ஐம்புலன்களுக்கு விருந்து – நிழற்பட உலா – பகுதி நான்கு

தலைநகரின் சாகேத் பகுதியில் உள்ள பூங்காவில் [Garden of Five Senses] நடந்த தோட்டத் திருவிழா சென்ற போது எடுத்த நிழற்படங்களின் நான்காவது தொகுப்பு இதோ இந்த வார ஞாயிறில். இப்பூங்காவில் எடுத்த படங்களின் கடைசி பகுதி இது. இன்னும் நிறைய படங்கள் உண்டு. அவற்றைக் காண விருப்பம் இருப்பவர்கள் காண, கீழே தொகுப்பின் சுட்டியைத் தந்திருக்கிறேன்.

தலைநகரில் எந்த நிகழ்வு என்றாலும் சில கலைஞர்களைக் காண முடியும். தங்களது விறுவிறுப்பான இசையாலும், நடனத்தினாலும் நிகழ்ச்சியைக் காண வருபவர்களைக் கவர்ந்து விடுவார்கள். தலைநகர வாசிகள், குறிப்பாக வட இந்தியர்கள், இப்படியான இசையைக் கேட்டால், கைகளைத் தூக்கிக் கொண்டு களத்தில் குதித்து விடுவார்கள் – நம்மை போல அவர்களுக்கு பெரிதாக வெட்கம் வருவதில்லை! கோதாவில் இறங்கி ஒரு குத்தாட்டம் போட்டு விடுவார்கள் – மக்கள் பார்க்கிறார்களே என்ற வெட்கமோ, தயக்கமோ அவர்களுக்கு வருவதே இல்லை! பார்த்தால் பார்த்துக்கோ என்ற எண்ணத்தில் ஆட்டம், பாட்டம், கொண்டாட்டம் தான். இந்த நிகழ்விலும் அப்படி சிலர் ஆடினார்கள்! அப்படி ஆடியபோது எடுத்த ஒரு சிறு காணொளி கீழே இணைத்திருக்கிறேன்.

வாருங்கள் பூக்களை, நிழற்படங்களை ரசிக்கலாம்!

 படத்தில் இரண்டு ஒட்டகச்சிவிங்கிகள்!

இந்தப் பூங்கா உலாவில் எடுத்த நிழற்படங்கள் நிறையவே இருக்கிறது. அத்தனையும் இங்கே பகிர்ந்து கொள்வது சாத்தியமல்ல! கூகிள் ஃபோட்டோஸ் பகுதியில் சேமித்து வைத்திருக்கிறேன். அத்தனை படங்களையும் பார்க்க விருப்பம் இருந்தால் கீழ் கண்ட சுட்டியின் மூலம் பார்க்கலாம்!

Garden Festival – 2019 – Garden of Five Senses, Saket, New Delhi

என்ன நண்பர்களே, இந்த வாரத்தின் நிழற்பட உலா உங்களுக்குப் பிடித்திருக்கிறதா? உங்கள் கருத்துகளைச் சொல்லுங்களேன். விரைவில் வேறு சில நிழற்படங்களோடு மீண்டும் ச[சி]ந்திப்போம்….

 

நட்புடன்

வெங்கட்

புது தில்லி