பீஹார் டைரி – குரங்கிலிருந்து பிறந்தவன் மனிதன் – நிழற்பட உலா…

ராஜ்கீர் ஷாந்தி ஸ்தூபா அமைந்திருக்கும் இடத்தில் லங்கூர் வகைக் குரங்குகள் நிறைய இருந்தன என எழுதி இருந்தேன். அதிலும் மலையுச்சியில் அத்தனை லங்கூர் குரங்குகள். ஒவ்வொன்றும் அதனதன் வேலையில் ஆழ்ந்து இருக்க, சில மனிதர்கள் அவற்றைத் தொந்தரவு செய்து கொண்டிருந்தார்கள். தின்பண்டங்களை அவற்றுக்குக் கொடுப்பதால் சில கெடுதல்கள் உண்டாகலாம் என அவ்வப்போது அரசாங்கம் சொன்னாலும் நாம் கேட்டால் தானே… முன்னரே ஒரு பெண்மணி குரங்குக்கு இரண்டு ரூபாய் பாப்பின்ஸ் கொடுத்ததை எழுதி இருந்தேன். சிலர் பழங்கள் வாங்கிக் கொடுக்க, சிலரோ கேக்ஸ், பிஸ்கெட் போன்று தங்களிடம் இருந்தவற்றை அவற்றுக்குக் கொடுத்தார்கள். 

நான் அங்கே இந்த லங்கூர் குரங்குகளை நிறைய படங்கள் எடுத்தேன். அவற்றில் சில மட்டும் இன்றைய ஞாயிறில் ஒரு தொகுப்பாக…. படங்கள் உங்களுக்குப் பிடித்திருக்கும் என நம்புகிறேன். படங்கள்/பதிவு பற்றிய உங்கள் எண்ணங்களை பின்னூட்டத்தில் சொல்லுங்கள்.

அன்னையின் அரவணைப்பில் கவலைகள் இன்றி.....

அங்கே என்னமோ நடக்குதே.... போய் பார்க்கலாமா.....

ஆங்க்.... இப்படித்தான் நல்லா காலைத் தூக்கினா தான் பேன் பார்க்க வசதி........ 

பேன் பார்க்கறேன்னு நினைக்காதீங்க... எனக்கு கை ஜோசியம் பார்க்கவும் தெரியும்.....

யேய்... போதும்பா... நான் போகணும்.........

யே.. அங்க ஒருத்தன் நம்மள ஃபோட்டோ புடிக்கிறான்........

என்ன பார்க்கறே... நீ பார்க்கறத நானும் பார்க்கிறேன்.....

நீ உன் வேலையைப் பாரு... நான் தூங்கற வேலையைப் பார்க்கிறேன்....

ஆஹா... என்ன சுகம் என்ன சுகம்!

யோவ்... போதும் போய்யா... எவ்வளவு ஃபோட்டோ தான் எடுப்ப நீ! ஒரு அளவு வேண்டாமா........

நாளை வேறு ஒரு பதிவுடன் மீண்டும் சந்திப்போம்…. சிந்திப்போம்…

 

நட்புடன்

வெங்கட்

புது தில்லி