பாண்டிச்சேரி – ஏரோவில் - நிழற்பட உலா

கடந்த மே மாதம் பாண்டிச்சேரி நகரில் இரண்டு நாட்கள் தங்கி கல்லூரி நண்பர்கள் சிலர் சந்தித்தோம். 

நெய்வேலியிலிருந்து பாண்டிச்சேரி அருகில் என்பதால் தமிழகத்தில் இருந்தவரை பல முறை சென்று வந்திருக்கிறேன். தலைநகரில் வேலையில் சேரக் காரணமாக இருந்த தேர்வு கூட பாண்டிச்சேரி சென்று தான் எழுதினேன். அப்போதெல்லாம் சும்மா சென்று சுற்றி வந்திருக்கிறேனே தவிர படங்கள் எல்லாம் எடுத்தது இல்லை. அங்கே தங்கியது கூட இல்லை. காலையில் சென்று மாலை/இரவு திரும்பி விடுவேன். அப்படித்தான் பல பயணங்கள் அமைந்திருக்கின்றன.  சென்ற வருடம் தொடர்பில் இருக்கும் சில நண்பர்களின் முயற்சியால் பாண்டிச்சேரி நகரில் கல்லூரி நண்பர்கள் சிலர் சந்திக்க முடிந்தது.

எங்கள் வகுப்பில் இருந்தவர்களில் ஏழு ஆண்களும், ஏழு பெண்களும் மே மாதம் [2018] சந்தித்தோம். சந்திப்பு பற்றி இது வரை எனது வலைப்பூவில் ஏனோ எழுதவில்லை. இந்த சந்திப்பு அவரவர் குடும்பத்துடன் சென்ற சந்திப்பு. எனது இல்லத்தரசியும் மகளும் வந்திருந்தார்கள். மனைவி அந்தச் சந்திப்பு பற்றி ஒரு பதிவு எழுதி இருந்தார் என்றாலும் நான் சந்திப்பு பற்றி எழுதவே இல்லை – விட்டுப் போனது! இந்த ஞாயிறும் அடுத்த ஞாயிறும் பாண்டிச்சேரி நகரில் எடுத்த சில படங்களை மட்டும் பகிர்ந்து கொள்ள இருக்கிறேன். சந்திப்பு மிகவும் நன்றாக நடந்தது. மறக்க முடியாத சந்திப்பு. ஒவ்வொரு வருடமும் இப்படிச் சந்திக்கலாம் என திட்டமிட்டு இருக்கிறோம் – எந்த அளவுக்கு அது சாத்தியமாகும் என்பதை பொறுத்திருந்து தான் பார்க்க வேண்டும்.

அவற்றில் பாண்டிச்சேரி ஏரோவில் பகுதியில் எடுத்த சில படங்கள் மட்டும் இன்றைய ஞாயிறில் ஒரு தொகுப்பாக…. படங்கள் உங்களுக்குப் பிடித்திருக்கும் என நம்புகிறேன். படங்கள்/பதிவு பற்றிய உங்கள் எண்ணங்களை பின்னூட்டத்தில் சொல்லுங்கள்.

நாளை வேறு ஒரு பதிவுடன் மீண்டும் சந்திப்போம்…. சிந்திப்போம்…

 

நட்புடன்

வெங்கட்

திருவரங்கத்திலிருந்து...