முதுமை – இனிப்பா கசப்பா? – சில படங்கள்

ஞாயிற்றுக் கிழமைகளில் எனது பக்கத்தில் தொடர்ந்து புகைப்படங்கள் பகிர்ந்து கொண்டிருந்தேன்.  ஒரு சில மாதங்களாக அதில் ஏதோ விதத்தில் தடை வந்து விட்டது. இந்த வாரத்திலிருந்தாவது தொடங்கலாம் என்று எண்ணம்.  இந்த ஞாயிறில் சமீபத்தில் நான் எடுத்த சில புகைப்படங்களை உங்களோடு பகிர்ந்து கொள்கிறேன். 

“நாளைய பாரதம்” என்ற தலைப்பில் வருங்கால சந்ததியினரான குழந்தைகளை நான் புகைப்படம் பிடித்து பகிர்ந்து கொண்டிருக்கிறேன்.  இன்று முதல் முறையாக நான் படம் பிடித்த பெரியவர்களின் படங்களை உங்களுடன் பகிர்ந்து கொள்ளப் போகிறேன்.  சமீபத்தில் நான்கு நாள் பயணமாக ஹிமாச்சலப் பிரதேசத்தின் ஊனா, காங்க்ரா, பாலம்பூர் போன்ற மாநிலங்களுகுச் சென்றிருந்தபோது அந்த இடங்களில் பார்த்த சில பெரியவர்களின் புகைப்படங்கள் தான் அவை. 

படங்களைப் பார்க்கலாமா?

எத்தனை வருஷமா வெல்லம் வாங்கறேன்...  எனக்குத் தெரியாதா?  கிலோ ஐம்பது ரூபாய்க்கு கொடு என்று பஞ்சாபி மொழியில் மிரட்டிய மூதாட்டி....

 

 வேர்க்கடலை, கடலை மிட்டாய், எள்ளு மிட்டாய் போன்றவற்றை விற்கும் வியாபாரி..... யாராவது வாங்க வரமாட்டார்களா என்ற ஏக்கத்துடன் காத்திருந்த பெரியவர்!

  

ஒரு வேளை நமக்குத் தான் அதிகமா குளிருதோ என்று யோசனையுடன் அமர்ந்திருப்பாரோ இந்த பெரியவர்.....

”இழுக்க இழுக்க இன்பம் இறுதிவரை” என்று சொல்லும் மூதாட்டி...

குடும்பத்தினருக்காக காத்திருக்கும் பெரியவர்....  “எப்போ வருவாரோ எந்தன் கலி தீர?” என்ற பாட்டு ஏனோ நினைவுக்கு வருகிறது....

தள்ளாத வயதிலும் உழைக்கும் பெரியவர் - “பைஜ்நாத் கோவில் வெளியே பிரசாதம் விற்பவர்....

என்னை யாரும் ஏமாத்த முடியாதுலே... இது ஐம்பது ரூபா நோட்டு தான் என்று சொல்கிறாரோ? சாலையோரத்தில் உணவகம் வைத்திருக்கும் பெரியவர். 

 நிலத்தில் விளைந்த கரும்புகளை வெல்லமாக்கும் பெரியவர்......  கண்களில் என்னவொரு சக்தி!

சில பெரியவர்களைப் பார்க்கும்போது மனதுக்குக் கஷ்டமாக இருந்தாலும், சில பெரியவர்களைப் பார்க்கும்போது சந்தோஷமாகவும் இருந்தது. முதுமை இனிப்பாகவோ கசப்பாகவோ இருப்பது அவரவர் கையில் தான் என்று தோன்றுகிறது.  உங்கள் கருத்து என்ன என்பதையும், படங்களை ரசித்தீர்களா என்பதையும் பின்னூட்டத்தில் சொல்லுங்களேன்!

மீண்டும் சந்திப்போம்!

நட்புடன்

வெங்கட்.

புது தில்லி.