ராஜாக்கள் மாநிலம் – பகுதி – 14
இப் பயணத்தொடரின் முந்தைய பதிவுகளை படிக்க வலைப்பூவின் இடது
ஓரத்தில் “ராஜாக்கள் மாநிலம்” என்ற தலைப்பில் ஒரு Drop Down Menu இருக்கிறது.
அதில் ஒவ்வொன்றாக க்ளிக்கி படிக்கலாமே!
ஃபதேசாகர் ஏரிக்கரை - ஒரு வழிப்பாதை....
பட உதவி - நண்பர் ஸ்ரீபதி....
ஜக்தீஷ் மந்திர், Gகங்gகௌர் gகாட்
ஆகிய இடங்களைப் பார்த்த பிறகு இரண்டு ஷேர் ஆட்டோக்களில் எங்கள் வாகனத்துடன்
ஓட்டுனர் ஜோதி இருந்த இடத்திற்குச் சென்று சேர்ந்தோம். அப்போதே மாலை நேரம்
ஆகியிருந்தது. அதன் பிறகு எங்கே செல்ல வேண்டும் எனக் கேட்க, உதய்பூர் நண்பர்
கஜேந்திரா அவர்கள் பிச்சோலா ஏரியில் நீங்கள் படகுச் சவாரி செய்யவில்லையே அதனால்
உதய்பூர் நகரின் இன்னுமொரு ஏரியான ஃபதேசாகரில் படகுப் பயணம் செய்யலாம் எனச்
சொன்னார். ஏரியைச் சுற்றி ஒரு வழிப்பாதை செல்வதில் வண்டியில் போகலாம் நன்றாக
இருக்கும் என்று சொல்ல, சரி போகலாம் என அவரையும் அவர் நண்பரையும் அழைத்தோம்.
