Gujarat லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
Gujarat லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 24 ஜூலை, 2017

சாப்பிட வாங்க: ஆம் கா சுண்டா – ஆதி வெங்கட்


குஜராத் பயணங்களில் தேப்லாவுடன் ஆம் கா சுண்டா சாப்பிட்டதுண்டு. ஒரு குஜராத்தி நண்பரிடம் சொல்ல, அவரது மனைவியின் கைப்பக்குவத்தில் ஆம் கா சுண்டா ஒரு பாட்டில் நிறைய தந்தார். சில நாட்கள் வரை பழேத்துப் பொட்டியில் [இந்தப் பதம் தெரியாதவர்களின் வசதிக்காக – Refrigerator என்பதே பழேத்துப் பொட்டி!] வைத்து, சப்பாத்தி, அன்று செய்த சப்ஜியுடன் இரண்டாவது தொட்டுக்கையாக ஆம் கா சுண்டா வைத்து சாப்பிட்டதுண்டு! அந்த ஆம் கா சுண்டா எப்படிச் செய்வது? கீழே இருக்கிறது சூட்சுமம்!

ஞாயிறு, 9 ஜூலை, 2017

பேட் துவாரகா – படகுப் பயணம் ஒரு காணொளி….




பஞ்ச துவாரகா பயணத் தொடரில் பேட் துவாரகாவிற்கு பெரிய படகுகள் மூலம் சென்று வந்ததை முன்னரே எழுதி இருக்கிறேன். அந்த சுட்டி கீழே.


ஞாயிறு, 9 ஏப்ரல், 2017

சாலையைக் கடக்கும் ஒட்டக மந்தை – காணொளி






நம்ம கிராமங்களில் மாடு, ஆடு இல்லை என்றால் வாத்துகளை மொத்தமாக சாலைகளில் ஓட்டிக்கொண்டு போவதைப் பார்த்திருப்பீர்கள். அப்படி ஒட்டகங்களைக் கூட்டமாக நீங்கள் பார்த்திருக்க வாய்ப்பில்லை – அரபு நாடுகளில் இருப்பவர்கள் தவிர்த்து! ஏற்கனவே ஒரு முறை எனது பதிவொன்றில் பல ஒட்டகங்களின் புகைப்படங்களைப் பகிர்ந்து கொண்டதுண்டு.  ஆனால் இன்று, இந்த ஞாயிறில் ஒரு காணொளி – கிட்டத்தட்ட 150 ஒட்டகங்களுக்கு மேல் குஜராத் மாநிலத்தின் கட்ச் பகுதியில் ஒரு சாலையைக் கடக்கும்போது எடுத்த காணொளி ஒன்று!

ஞாயிறு, 22 ஜனவரி, 2017

சிங்கத்தின் இருப்பிடத்தில் – புகைப்பட உலா…..


குஜராத் மாநிலத்தில் உள்ள கிர் காட்டுப் பகுதிக்குச் சென்றபோது எடுத்த சில புகைப்படங்கள் இந்த ஞாயிறில் உங்களுடன் பகிர்ந்து கொள்கிறேன். கிர் என்ற பெயரில் பிரபலமாக இருந்தாலும், இந்த கிர் இருக்கும் கிராமத்தின் பெயர் சாசன் என்பது நம்மில் பலருக்கும் தெரிந்திருக்க வாய்ப்பில்லை.  இதோ சாசன் கிர் பகுதியில் எடுத்த சில புகைப்படங்கள்…..


படம்-1: ஒண்டிக்கு ஒண்டி வரியா? தீர்ப்பு சொன்ன நீதிபதியைப் பார்த்துக் கேட்கிறதோ?


படம்-2:  இலைகளின் வண்ணத்தோடு ஒத்துப் போகும் சிங்கத்தின் வண்ணம்…..


படம்-3: சாலையில் படுத்துக் கொண்டு எங்களைப் பார்த்த சிங்கம் ஒன்று…..

உனக்கு அவசரம்னா ஒதுங்கிப் போ! நான் எழுந்து வழிவிட முடியாது!


படம்-4: ஒரு தடவை சொன்னா புரியாதா? ஒதுங்கிப் போ! சற்றே முறைப்புடன்….


படம்-5: வம்பு பண்ணா, நாங்களும் வருவோம், பார்த்துக்க….

பக்க வாட்டிலிருந்து மேலும் இரண்டு சிங்கங்கள்…..


படம்-6: எழுந்து வரவா, இல்லை நீயா ஓடிப் போயிடுறயா?


படம்-7: திரும்பவும் வார்னிங் தரேன்… ஓடிடு!


படம்-8: அட பயபுள்ள பயப்படாம ஃபோட்டோ எடுத்துட்டு இருக்கே!



படம்-9: ஃபோட்டோ மட்டும் எடுத்துக்கறதுன்னா ஓ.கே…  வம்பு கிம்பு பண்ணியோ மவனே… நீ காலி!





படம்-10: வேற வழியில்ல….  தாக்கத் தயாராக வேண்டியது தான்!





படம்-11: சிங்கத்தின் கால் அடிகள்…..



படம்-12: சிங்கக் கோட்டையில் மயிலுக்கு என்ன வேலை?


படம்-13: கருப்பு வெள்ளை க்கு இருக்கும் அழகு கலருக்கு இருப்பதில்லை!


படம்-14: 180 டிகிரி தலையைத் திருப்பிப் பார்க்க என்னால் முடியும் – உன்னால முடியுமா?


படம்-15: ரொம்ப நேரமா பார்த்துட்டே இருக்கேன்…  நீ யாரு? 


படம்-16: நான் தனியா இருக்கேன்னு சல்மான் கிட்ட யாரும் சொல்லிடாதீங்கப்பு…..


படம்-17: வனச்சாலையைக் கடக்க முடியாம வண்டி வருதே…..




படம்-18: ஐயா, சாலையைக் கடந்தாச்சு….  இப்ப ஃபோட்டோ புடிச்சுக்கோ…..



படம்-19:  எங்க சோடி நல்லாக்கீதா? சொல்லேன்….

 படம்-20: டாடா… அம்மா முன்னாடி போயிட்டாங்க…. நானும் போறேன்….



என்ன நண்பர்களே, புகைப்படங்களை ரசித்தீர்களா? சொல்லுங்களேன்…..

நாளை வேறொரு பதிவில் சந்திக்கும் வரை….

நட்புடன்

வெங்கட்

புது தில்லி.

ஞாயிறு, 15 ஜனவரி, 2017

ஜல்லிக்கட்டு மிருக வதையா?…..


ஜல்லிக்கட்டு....
படம்: இணையத்திலிருந்து....

ஒட்டகம் பார்த்திருக்கிறீர்களா?  பாலைவன/வறண்ட பகுதிகளில் ஒட்டகங்கள் வாழ்கின்றன என்பதை நீங்கள் படித்திருப்பீர்கள்.  நேரடியாக பார்த்திருக்காவிட்டாலும், புகைப்படங்களில், காணொளிகளில் பார்த்திருக்க முடியும்.  ஒரு சராசரி ஒட்டகத்தின் உயரம் – முதுகில் இருக்கும் திமில் பகுதியில் 7 முதல் 8 அடி வரை கூட இருக்கும்.  கால்கள் மட்டுமே ஐந்தடிக்கு மேல் இருக்கும் இந்த ஒட்டகங்களை இந்தியாவின் ராஜஸ்தான், குஜராத் பகுதிகளில் நிறையவே பார்க்க முடியும்.  இத்தனை உயரமாக இருக்கும் ஒட்டகங்களை மிருக வதை செய்து கீழே அமரவைத்து, அதன் மேல் போட்டிருக்கும் இருக்கைகளில் மனிதர்கள் அமர வைத்து ஒரு ரவுண்ட் வருவது இப்பகுதிகளில் மிகவும் பிரபலம்! 

ஒவ்வொரு முறை கீழே அமர்ந்து எழும் போதும் பிரம்மப் பிரயத்தனம் செய்து தான் அந்த ஒட்டகம் எழுந்திருக்கிறது! அதுவாக உட்கார்ந்தால் பரவாயில்லை, மனிதர்களை அமர வைப்பதற்காக ஒவ்வொரு நாளும் பல முறை இப்படி தொடர்ந்து கீழே அமர்வதும், மனிதர்கள் மேலே அமர்ந்ததும் அதை எழ வைத்து, ஐம்பது அடி நடக்க வைத்து, மேலே அமர்ந்த மனிதர்கள் இறங்குவதற்கு வசதியாக மீண்டும் கீழே அமர வைப்பதும் தொடர்ந்து நடக்கும் ஒரு செயல்.  சராசரியாக ஒவ்வொரு ஒட்டகமும் ஒரு நாளைக்கு நூற்றுக்கணக்கான முறை கீழே அமர்ந்து மேலே எழுந்திருக்க வேண்டும்.

“உட்டக், பைட்டக்” என்று ஒரு உடற்பயிற்சி – அதாங்க, கீழே அமர்ந்து மீண்டும் எழுவது – பள்ளிகளில் மாணவர்களுக்கு முன்பெல்லாம் இந்தத் தோப்புக்கரணம் தண்டனையாக தருவதுண்டு! பத்து முறை உட்கார்ந்து எழுந்திருப்பதற்குள் தாவு தீர்ந்து விடும்! நூறு முறை செய்வதென்றால் எப்படி இருக்கும்! அதுவும் ஒட்டகம் போன்று இத்தனை உயரமாக இருக்கும் ஒரு விலங்கினை மனிதன் தன் இஷ்டப்படி உட்கார வைத்து எழுப்பி விடுவது எவ்வளவு கடினமாக இருக்கும் அந்த ஒட்டகத்திற்கு! இப்படி உட்கார வைக்க ஒரு வார்த்தையைப் பயன்படுத்துகிறார்கள் – அந்த வார்த்தை – “ஜூ.....” 

ஜூ…. ஜூ… என்று சொல்லிச் சொல்லி அந்த ஒட்டகம் தனது கால்களை நான்காக மடித்து மனிதர்கள் அதன் மீது கால் தூக்கிப் போட்டு உட்கார ஏதுவாய் இருக்கும் வரை ஜூ ஜூ எனச் சொல்லியபடியே இருக்கிறார்கள்! ஜூவில் [ஆங்கில Zoo] தான் மிருகங்களை அடைத்துக் கொடுமைப் படுத்துகிறார்கள் என்றால் இங்கேயும் ஜூ…. ஜூ….. 

உட்கார இத்தனை அவதிப்படுத்துவது போலவே ஒட்டகத்தினைக் கட்டுப்படுத்த ஒரு கயிறு உண்டு – நம் ஊர் காளைகளுக்கு மூக்கணாங்கயிறு போல ஒட்டகத்திற்கும் மூக்கணாங்கயிறு! எனக்குத் தெரிந்து மூக்கு துவாரம் வழியே கயிறு மட்டும் தான் மாட்டுக்கு உண்டு. இங்கே ஒட்டகத்திற்கு அந்த மூக்குத் துவாரத்திற்கு அருகே ஒரு கூர்மையான, தடிமனான இரும்புக் கம்பி அடித்து அதில் கயிறு மாட்டுவார்கள்!  எவ்வளவு வலி இருக்கும் அந்த ஒட்டகத்திற்கு! எப்படி இருக்கும் என்று கேட்பவர்களுக்காகவே க்ளோஸ்-அப்-ல் எடுத்து இருப்பதை இங்கே பகிர்ந்து கொண்டிருக்கிறேன்…. 

சமீபத்திய பயணம் ஒன்றில் எடுத்த ஒட்டகம் படங்கள் – இந்த ஞாயிறில் இதோ உங்களுக்காக! பார்க்கும்போது அவை படும் கஷ்டம் உங்களுக்கும் புரியும் என்பதற்காகவே இந்த படங்கள்! இந்தக் கஷ்டங்கள் தவிர, சமீப காலமாக இறைச்சி உண்பவர்கள், ஒட்டகங்களையும் விட்டுவைக்கவில்லை. ஒட்டகத்தின் இறைச்சியையும் சாப்பிடுகிறார்களாம்! ஒரு ஒட்டகத்தின் எடை சுமாராக 650 கிலோ வரை இருக்குமாம். அப்புறம் என்ன, ஒரு ஒட்டகத்தினை அடித்து இறைச்சி எடுத்தால் ஒரு ஊரே சாப்பிடலாம் என சாப்பிடுகிறார்கள் போலும்….. 

இப்படி எல்லா மிருகங்களையும் வதை செய்யும்போது அதை எல்லாம் பற்றி கேட்காதவர்கள், ஜல்லிக்கட்டு சமயத்தில் மாடுகளை வதைக்கிறார்கள் என்று பேசுவதை என்னவென்று சொல்வது! இதோ நான் எடுத்த சில படங்கள்…..


 மூக்கணாங்கயிறுக்காக குத்தப்பட்ட கம்பி....
பார்க்கும்போதே  நம் மனதுக்குள்ளும் வலி....



இத்தனை உயரமான ஒட்டகத்தினை..... 


இப்படி உட்கார வைப்பது வதை இல்லையா?









”என்ன நண்பர்களே, இந்த வாரத்தின் படங்களை ரசித்தீர்களா?” என்று கேட்கப் போவதில்லை…. அவதிப்பட்டு அமர்ந்திருக்கும் ஒட்டகத்தினை ரசிக்கவா முடியும்! இல்லை இப்படி அந்த ஒட்டகத்தினைக் கேட்கவா முடியும்! கேட்டால், இன்னுமொரு முறை எழுந்து பின்னங்கால்களால் ஓங்கி உதைத்தாலும் உதைக்கும்…..

அடுத்த ஞாயிறன்று வேறு புகைப்படங்களை பகிர்ந்து கொள்கிறேன்…

மீண்டும் ச[சி]ந்திப்போம்….

நட்புடன்

வெங்கட்

புது தில்லி.

செவ்வாய், 10 ஜனவரி, 2017

நெடுஞ்சாலை உணவகம் – Horn OK Please!



நெடுஞ்சாலைகளில் பயணம் செய்யும் போது வழியில் நல்ல கழிப்பறை வசதிகள் கிடைப்பதில்லை என்பது பயணம் செய்யும் ஒவ்வொருவருடைய குறை! போலவே நல்ல உணவகங்களும் கிடைப்பதில்லை. அப்படி கிடைக்கும் உணவகங்களில் உணவின் தரம் மிக மட்டமாக இருக்கும்.  உணவு நன்றாக இருந்தால் அதற்கான விலை ரொம்பவே அதிகமாக இருக்கும்.  இப்படி எல்லாவற்றிலும் பிரச்சனை என்றால் எங்கே சாப்பிடுவது? பயணம் செய்யும்போது விலை பற்றி கவலைப் படாமல் வயிற்றுக்குக் கெடுதல் செய்யாத நல்ல உணவாகக் கிடைக்கிறதா என்பதை மட்டுமே பார்க்க வேண்டியிருக்கிறது.



தமிழகத்தில் நெடுஞ்சாலைகளில் பயணம் செய்யும் போது, குறிப்பாக அரசு/தனியார் பேருந்துகளில் பயணம் செய்யும் போது அவர்கள் நிறுத்தும் உணவகங்கள் மிகவும் மோசமான அனுபவங்களையே எனக்குத் தந்திருக்கின்றன.  குறிப்பாக சென்னையிலிருந்து திருச்சி செல்லும் போது விழுப்புரம் அருகே ஏதோ ஒரு பாடாவதி உணவகத்தில் தான் நிறுத்துவார்கள் எப்போதும்.  அங்கே ஒரு முறை உணவு சாப்பிட்டால் போதும். அதற்குப் பிறகு நிச்சயம் அங்கே சாப்பிடத் தோன்றாது – பட்டினி கிடந்தாலும் கிடப்பேனே தவிர அங்கே சாப்பிட மாட்டேன் என்று சபதம் எடுத்து விடலாம்! அப்படி இருந்தது அந்த உணவகமும் அவர்கள் தரும் உணவும்!



ஒரு முறை திருச்சியிலிருந்து மதுரை வழியே திருவனந்தபுரம் செல்லும் போது – அதுவும் இரவு நேரப் பயணம் வழியில் ஒரு உணவகத்தில் நிறுத்தினார்கள் – அத்துவானக் காட்டில் இருந்த அந்த உணவகத்தில் தேநீர் 20 ரூபாய்! அதுவும் தேநீர் என்ற பெயரில் சுடுநீர்! விலை பற்றி கேட்டால் அடாவடியான பதில் – வேணும்னா குடி, இல்லைன்னா போயிட்டே இரு! உணவு பற்றி சொல்லவே வேண்டாம். அவர்கள் வைத்தது தான் விலை – அவர்கள் நினைப்பது தான் தரம்! சாப்பிட வேண்டியது பயணியின் தலையெழுத்து என்பது போன்ற நினைவு தான் அவர்களுக்கு!



வடக்கே, பல ஊர்களுக்கு பயணிக்கும் வேளையில் நெடுஞ்சாலைகளில் சில குறிப்பிட்ட ஊர்களில் மட்டும் நல்ல உணவகங்கள், வரிசையாக இருக்கின்றன. அவற்றைத் தவறவிட்டால் அதன் பிறகு நல்ல உணவகங்களோ,  நல்ல உணவோ கிடைப்பது கடினம். செல்வதற்கு முன்னரே அதைப் பற்றி தெரிந்து கொண்டு தான் பயணிப்போம். போலவே குஜராத் மாநிலத்திலும் நெடுஞ்சாலைகளில் நல்ல உணவகங்கள் இருக்கின்றன.  குஜராத்தி தாலி – ரொட்டி, சப்ஜி, கிச்டி, அப்பளம், மோர் என சுவையான உணவு கிடைத்து விடும். அல்லது சப்பாத்தி, சப்ஜியும் கிடைத்து விடுகிறது. 



சமீபத்தில் குஜராத் மாநிலத்தில் பயணம் செய்தபோது ராஜ்கோட் அருகே ஒரு உணவகத்தில் தேநீர் அருந்த வண்டியை நிறுத்தினோம்.  அந்த உணவகத்தின் பெயர் “Horn OK Please!”.  Bansal Petroleum என்ற பெட்ரோல் பங்க் உரிமையாளர் பெட்ரோல் பங்க் வளாகத்திலேயே நடத்தும் உணவகம் தான் இந்த Horn OK Please! முழுக்க முழுக்க நெடுஞ்சாலை சம்பந்தப்பட்ட விஷயங்கள் தான் இந்த உணவகத்தின் Theme! ஒரு லாரியின் முகப்பினை வைத்து அதிலிருந்து உணவு தருகிறார்கள்.  உணவகத்தின் சுவர்களில் லாரிகளில் எழுதப்பட்டிருக்கும் வாசகங்களை ஆங்காங்கே எழுதி வைத்திருக்கிறார்கள்.



தவிர அவர்கள் தரும் மெனு கார்டு கூட ஒரு வாகனத்தின் வடிவில் அமைக்கப்பட்டிருக்கிறது! பஞ்சாபி, ராஜஸ்தானி, சைனீஸ், சௌத் இண்டியன், ஸ்னாக்ஸ் என அனைத்தும் இங்கே கிடைக்கும்! ஒவ்வொரு பக்கத்திலும் கொடுக்கப்பட்ட உணவு வகைகளுக்கு வாகனம் சம்பந்தப்பட்ட பெயர்கள்! – Soups மற்றும் Starters இருக்கும் பக்கத்திற்கு Liquid Checkup, Self Lagaao என்று தலைப்பு! ஒவ்வொரு பக்கத்திலும் இப்படி தலைப்பு கொடுத்து சிறப்பாக மெனு கொடுக்கிறார்கள்!



வித்தியாசமான இந்த உணவகம் ஒரு Chain of Restaurants.  இதே பெயரில் பல இடங்களில் அமைத்திருக்கிறார்கள் என்றாலும், நான் பார்த்தது ராஜ்கோட் அருகே.  பெங்களூருவிலும் இந்த பெயரில் உணவகம் இருக்கிறது. வித்தியாசமான பெயர், வித்தியாசமான தீம் என இருக்கும் இந்த உணவகம் ராஜ்கோட்டில் மிகவும் பிரபலம்.  வழிப்போக்கர்கள் மட்டுமன்றி, ராஜ்கோட் வாசிகளும் சனி, ஞாயிறில் இங்கே உணவு உண்ண வந்து விடுகிறார்கள்! 



பெரும்பாலான வட இந்திய உணவகங்கள், குறிப்பாக நெடுஞ்சாலை உணவகங்கள் போலவே இங்கேயும் வெளியே நாற்காலிகள் தவிர கயிற்றுக் கட்டில்களும் போட்டு வைத்திருக்கிறார்கள்.  கட்டிலில் அமர்ந்து எதிரே ஒரு சிறிய ஸ்டூலில் உணவை வைத்து சாப்பிட்டு, வேண்டுமெனில் ஒரு குட்டித் தூக்கம் போடலாம்! அல்லது கொஞ்சம் ஓய்வெடுத்துக் கொண்டு பிறகு வாகனத்தினைச் செலுத்தலாம்! நாங்களும் இங்கே கொஞ்சம் ஸ்னாக்ஸ் மற்றும் தேநீர் வாங்கிக் கொண்டு சிறிது நேரம் ஓய்வு எடுத்துக் கொண்டோம். 

வயிற்றுக்கு சுத்தமான உணவு கிடைப்பது தவிர, இங்கே இருக்கும் கழிப்பறை வசதிகளும் சுத்தமாகவே இருக்கிறது என்பது பாராட்டப்பட வேண்டிய விஷயம். 

ராஜ்கோட் பக்கம் சென்றால், இந்த இடத்தில் உணவு சாப்பிடலாம்! ப்ரீத்திக்கு நான் கேரண்டி என்று விளம்பரத்தில் சொல்வது போல Horn OK Please உணவகத்தின் சுத்தத்திற்கு நான் கேரண்டி!

வித்தியாசமான வேறு ஒரு உணவகம்/உணவு பற்றிய குறிப்புகளை வேறொரு பதிவில் சொல்கிறேன்.

மீண்டும் ச[சி]ந்திப்ப்போம்…..

நட்புடன்

வெங்கட்

புது தில்லி.

ஞாயிறு, 8 ஜனவரி, 2017

குஜராத் - மொதேரா – சூரியனார் கோவில் புகைப்பட உலா


குஜராத் மாநிலத்தின் மெஹ்சானா மாவட்டம் பால் உற்பத்திக்கு மிகவும் பெயர்பெற்றது. பால் தவிர வேறு ஒரு விஷயத்திற்கும் இந்த மாவட்டம் பெயர் பெற்றது – அது மொதேரா கிராமத்தில் இருக்கும் சூரியனார் கோவில்! கோவில், சபா மண்டபம், ராம்குண்ட் எனும் குளம், அழகிய தோட்டம் என மனதை மயக்கும் இடம் மொதேரா சூரியனார் கோவில். மற்ற விவரங்கள் பிறிதொரு சமயத்தில் – பயணக்கட்டுரைகளாக வரும்போது எழுதுகிறேன்.  இப்போதைக்கு ஒரு புகைப்பட உலா மட்டும் உங்களுக்காக இந்த ஞாயிறில்…..


படம்-1: கோவிலும் சபா மண்டபமும் ஒரு தூரப் பார்வை….
சூரியனார் கோவில், மொதேரா, குஜராத்


படம்-2: ராம் குண்ட், சன்னதி கோபுரங்களில் ஒன்று…
சூரியனார் கோவில், மொதேரா, குஜராத்


படம்-3: ராம் குண்ட், குளக்கரையில் 108 சன்னதிகள்
சூரியனார் கோவில், மொதேரா, குஜராத்


படம்-4: ராம் குண்ட், குளக்கரை சன்னதிகள் – ஒரு பார்வை
சூரியனார் கோவில், மொதேரா, குஜராத்


படம்-5: ராம் குண்ட், குளக்கரை சன்னதிகள், வேறொரு கோணத்தில்
சூரியனார் கோவில், மொதேரா, குஜராத்


படம்-6: ராம் குண்ட், மற்றும் தோட்டம்….
சூரியனார் கோவில், மொதேரா, குஜராத்


படம்-7: சபா மண்டபம்….
சூரியனார் கோவில், மொதேரா, குஜராத்


படம்-8: சபா மண்டபம் அருகே இரு பெரும் தூண்கள்
சூரியனார் கோவில், மொதேரா, குஜராத்


படம்-9: சபா மண்டபத்தின் உட்புறம், எத்தனை சிற்பங்கள்…
சூரியனார் கோவில், மொதேரா, குஜராத்


படம்-10: சபா மண்டபத்தின் மேற்கூரை… கூரையிலும் வடிவங்கள்…
சூரியனார் கோவில், மொதேரா, குஜராத்


படம்-11: சபா மண்டபத்தின் உட்புறம் – இன்னுமொரு கோணத்தில்….
சூரியனார் கோவில், மொதேரா, குஜராத்


படம்-12: சபா மண்டபத் தூண்களும், சிற்பங்களும்….
சூரியனார் கோவில், மொதேரா, குஜராத்


படம்-13: வெளிப்புற சிற்பங்கள்…..
சூரியனார் கோவில், மொதேரா, குஜராத்


படம்-14: வெளிப்புறச் சிற்பங்கள் – ஒரு கிட்டப்பார்வை…
சூரியனார் கோவில், மொதேரா, குஜராத்


படம்-15: கோவிலும், சபா மண்டபமும் – பின் புறத்திலிருந்து…
சூரியனார் கோவில், மொதேரா, குஜராத்


படம்-16: வேறொரு கோணத்தில்….
சூரியனார் கோவில், மொதேரா, குஜராத்


படம்-17: சூரியனார் கோவில்…..
சூரியனார் கோவில், மொதேரா, குஜராத்


படம்-18: கோவில் – இன்னுமொரு படம்….
சூரியனார் கோவில், மொதேரா, குஜராத்


படம்-19: ராம் குண்ட் – வேறொரு கோணத்தில்….
சூரியனார் கோவில், மொதேரா, குஜராத்


படம்-20: கோபுரத்தில் உள்ள நுணுக்கமான வேலைப்பாடுகள்….
சூரியனார் கோவில், மொதேரா, குஜராத்

என்ன நண்பர்களே, புகைப்படங்களை ரசித்தீர்களா? பின்னூட்டத்தில் சொல்லுங்களேன்….

நட்புடன்

வெங்கட்.

புது தில்லி.