பூக்களும் வண்ணத்துப் பூச்சிகளும்!

சமீபத்தில் தில்லியிலிருந்து வந்திருந்த நண்பரின் குடும்பத்தினரும் நாங்களும் திருவரங்கத்தில் அமைந்திருக்கும் வண்ணத்துப் பூச்சி பூங்கா சென்று வந்திருந்தோம் என்று எழுதி இருந்தேன்.  நமது சக வலைப்பதிவர் கீதா ஜி கூட, புகைப்படங்களே எடுக்கவில்லையா என்று கேட்டிருந்தார்!  புகைப்படம் எடுக்காமலா?  இதோ இந்த ஞாயிறில், வண்ணத்துப் பூச்சிப் பூங்காவில் எடுத்த பூக்களின் படங்கள் மற்றும் சில படங்கள்!

பூக்கள் இருந்தால் தான் வண்ணத்துப் பூச்சிகள் இருக்கும் அல்லவா? இந்தப் பூங்காவில் இருக்கும் பூக்களின் எண்ணிக்கை அதிக அளவில் இருந்தாலும், வண்ணத்துப் பூச்சிகள் என்னவோ மிகக் குறைவு. குறைவான அளவிலேயெ பார்க்க முடிந்தது என்றாலும் பூக்களை நிறையவே பார்த்ததால் வண்ணத்துப் பூச்சியின் படம் ஒன்றே ஒன்று மட்டும் – பூக்கள் படம் தான் நிறைய. கூடவே சில படங்களும்!

உனக்கு நிழல் தரும் மரத்திற்கு மரியாதை கொடு! 

ஒருவன் என்றைக்கு சிரிக்காமல் இருக்கிறானோ, அந்த நாள் தொலைந்து போன நாளே.

யார் தங்களின் கருத்துகளை எந்தச் சமயத்திலும் திருத்திக் கொள்ளாமல் இருக்கிறார்களோ, அவர்கள் உண்மையின் மீது கொள்ளும் விருப்பத்தை விட தங்களின் மீது வைத்திருக்கும் விருப்பம் அதிகமானது....

பிறரின் வீழ்ச்சியிலிருந்து, நாம் தவிர்க்க வேண்டிய விஷயங்களைத் தெரிந்து கொள்ளலாம்!

கடவுள் எவற்றையெல்லாம் ஒன்று சேர்த்து வைத்திருக்கிறாரோ, அவற்றை மனிதன் பிரிக்காமல் இருந்தாலே நிம்மதி தான்.

செயல்படாமல் இருப்பது, சிறிய ஆசைகளைக் குறைத்து, பெரிய ஆசைகளை அதிகரிக்கச் செய்யும்.

இயற்கை, நேரம், பொறுமை – இவை மூன்றும் மிகச் சிறந்த மருத்துவர்கள்....

ஒருவன் கற்க வேண்டிய விஷயங்களை ஒப்பிட்டுப் பார்க்கும்போது, எந்த மனிதனும் புத்திசாலி இல்லை....

ஒரு நீண்ட வாழ்க்கை சிறந்ததாக இல்லாமல் இருக்கலாம்... ஆனால் ஒரு சிறந்த வாழ்க்கை நீண்டு நிற்கக்கூடியது.....

சந்தோஷத்திற்கான எல்லா வாய்ப்புகளையும் இயற்கை உருவாக்கித் தருகின்றது.... ஆனால் அதை எப்படி பயன்படுத்திக் கொள்ள வேண்டும் என்பது நமக்குத் தெரிய வேண்டும்....

யார் அறிவிற்காகத் தாகத்துடன் இருக்கிறார்களோ, அவர்களுக்கு அது கிடைக்கும்....

ஏமாற்றுக்காரர்கள் பிறரின் மீது ஆதிக்கம் செலுத்துவதில் ஆரம்பித்து, தங்களைத் தாங்களே ஏமாற்றிக் கொள்வதில் முடிக்கிறார்கள்....

பெரும்பாலானவர்களின் கருத்து தான், எது சரி என்பதற்கான முடிவு அல்ல!

நாம் எல்லோருமே ஏதோ ஒரு வகையில் மிருகத்தனமாக நடந்து கொள்ளத் தயாராக இருக்கிறோம். ஒரு கெட்ட மனிதனுக்கும், ஒரு நல்ல மனிதனுக்குமிடையே உள்ள வித்தியாசமே – அதைத் தேர்ந்தெடுப்பதற்கான காரணத்தில் தான் இருக்கிறது....

உண்மைக்கு மிக அருகில் வரக்கூடிய ஒரு நகைச்சுவை, தன் அடையாளத்தினை பின்னே விட்டுச் செல்கிறது!

ஒரு தியாகியை உருவாக்குவது மரணமல்ல...

அந்த மரணத்தின் காரணம் மட்டுமே...

மகிழ்ச்சியாக இருக்க வேண்டும் என்றால்...

நல்ல உடல்நலம் இருக்க வேண்டும்....

மோசமான ஞாபகசக்தி இருக்க வேண்டும்!

பணம் நிறைந்த பர்சை விட, சந்தோஷம் நிறைந்த இதயம் மேலானது!

அமைதிக்குப் பதிலாக போரைத் தேர்ந்தெடுப்பது முட்டாள்தனம்.....

அமைதித் தன்மையின் போது மகன்கள் தந்தைகளைப் புதைக்கிறார்கள்.... போரின்போது தந்தைகள் மகன்களைப் புதைக்கிறார்கள்!

செயல்களைக் கொண்ட மனிதனாக இல்லாமல், வார்த்தைகளைக் கொண்ட மனிதனாக இருப்பவன், களைகளால் நிறைந்திருக்கும் ஒரு தோட்டத்திற்கு ஒப்பானவன்....

பிறரிடம் பார்க்கும் நல்ல விஷயங்களை நீ விரும்ப ஆரம்பித்தால், அவற்றை உன்னிடம் நீ உண்டாக்கிக் கொள்வாய்!

 உருண்டு கொண்டிருக்கும் கல், தன்னுடன் எதையுமே சேகரித்துக் கொண்டு செல்வதில்லை!

என்ன நண்பர்களே, படங்களையும் பொன்மொழிகளையும் ரசித்தீர்களா? பொன்மொழிகள் இணையத்திலிருந்து....

நாளை வேறு பதிவில் சந்திக்கும் வரை....

நட்புடன்

வெங்கட்

திருவரங்கத்திலிருந்து....