ஃப்ரூட் சாலட் – 87 – இதுவல்லவோ கொண்டாட்டம் – தேவதை – பிறந்த நாள்

இந்த வார செய்தி:

இதுவல்லவோ பிறந்த நாள்....! 10 வயது சிறுவனின் காருண்யம்!

ஜெர்மனைச் சேர்ந்த தமிழ் சிறுவன் ஒருவன் தனது 10 வது பிறந்த நாளை அனைத்து தமிழ் மக்களையும் கண்கலங்க வைக்கும் வகையினில் தாயகத்தினில் கொண்டாடியுள்ளான்.

தனது கைச்செலவிற்கென பெற்றோர் வழங்கிய பணத்தினை சேமித்து வைத்திருந்த அவன் பிறந்த தின கொண்டாட்டங்களிற்கென பெற்றோர் வைத்திருந்த பணத்தினையும் கேட்டுப்பெற்றுள்ளான்.

தாயக செய்திகளை அறிந்து கொள்வதில் ஆர்வம் கொண்டுள்ள அவன் தனது பிறந்த தினத்தினை யுத்தத்தினால் நடமாட முடியாதிருக்கும் தாயக உறவுகள் இரண்டு பேருக்கு உதவ விருப்பங்கொண்டுள்ளான்.

அவனது உதவிகளை ஊடகவியலாளர்கள் சிலரது உதவியுடன் கள செயற்பாட்டாளரும் வலி.வடக்கு பிரதேசசபை உப தலைவருமான ச.சஜீவன் மூலம் அவன் சேர்ப்பித்துள்ளான்.

கண்ணீருடன் நூறு வருடம் வாழ அவனை வாழ்த்தின தாயக உறவுகள், அச்சிறுவன் சிறீரஞ்சன் தமிழ்பிரியனிற்கு அனைவரதும் வாழ்த்துக்களும் நிச்சயமிருக்கும்.

     செய்தி: இணையத்திலிருந்து.....

இந்த வார முகப்புத்தக இற்றை:

என்றைக்கோ வரப்போகிற மாமியாரைச் சொல்லிச்சொல்லியே இன்றைக்கும் என் அதிகாலைத் துயில் கலைத்துவிட்டாளே அம்மா!

 கீதா மதிவாணன்.

இந்த வார குறுஞ்செய்தி:

இன்று உனக்கு
பிறந்த நாள்
மட்டும் அல்ல
இந்த உலகுக்கு
தேவதை வந்த
நாளும் கூட..!

இந்த வார ரசித்த படம்:

இந்த வார ரசித்த பாடல்:

பிதாமகன் படத்திலிருந்து “இளங் காத்து வீசுதே” பாடல் இந்த வார ரசித்த பாடலாய்......   இந்தப் படத்தில் இந்த பாடல் மட்டும் ரொம்பவும் பிடித்த பாடல். இதோ உங்கள் ரசனைக்கு...

ரசித்த கார்ட்டூன்:

இது கார்ட்டூன் அல்ல! இருந்தாலும் இந்த பகுதியில்.... உத்திரப் பிரதேச மாநிலத்தில் பள்ளி செல்லும் சிறுவர்கள் அணிந்திருந்த முகமூடிகள்! அரசியல் பள்ளி வரை வந்துவிட்டது... இவர்கள் எதிர்காலத்தில் நம்மை ஆண்டாலும் ஆளலாம்!

படித்ததில் பிடித்தது:

உன்னைப்பற்றி
கவிதை எழுத
நினைக்கும்போதெல்லாம்
இனிய கவிதையாய்
நீயே
என் முன் வந்து
நிற்கிறாய்
செல்லமே !!!

-          மஞ்சுபாஷிணி சம்பத்குமார்

என்ன நண்பர்களே, இந்த வார ஃப்ரூட்சாலட்-ஐ ரசித்தீர்களா? மீண்டும் அடுத்த வெள்ளியன்று வேறொரு ஃப்ரூட் சாலட்-ல் சந்திக்கும் வரை…..

நட்புடன்

வெங்கட்.

புது தில்லி.

டிஸ்கி: இன்றைய ஃப்ரூட் சாலட்-ல் பிறந்த நாள் பற்றிய விஷயங்கள் கொஞ்சம் நிறையவே! காரணம் இன்று எங்கள் தேவதை - ரோஷ்ணியின் பிறந்த நாள்!