பொங்கல் வாழ்த்துகள் - 2024

 

அன்பின் நண்பர்களுக்கு, இனிய காலை வணக்கம். இந்த நன்நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.  

 

இதற்கு முன்னர் வெளியிட்ட கடந்து வந்த பாதை பதிவினை  படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

பணம் பணம் என்று ஓடிக்கொண்டிருக்கும் வாழ்க்கையில் மனதை நேசிக்கும் உறவுகள் கிடைத்தால் தொலைத்துவிடாதீர்கள்.  

*******

 

அனைவருக்கும் இனிய காலை வணக்கம்!

 

உங்கள் எல்லோருக்கும் தித்திக்கும் தைத்திருநாள் வாழ்த்துகள்! 

 

நம் இல்லங்களில் பால் பொங்குவதைப் போல எங்கும் அன்பும், மகிழ்ச்சியும் பொங்கட்டும்! வீடும் நாடும் வளமாக இருக்கட்டும்! 

 

நல்லதே நடக்கட்டும்! நலமே சூழட்டும்!

 

*******

 

பொங்கலோ பொங்கல்!!

 

நல்ல நேரத்தில் பொங்கல் பானையை அலங்கரித்து பால் பொங்கியாச்சு! எங்கும் இன்பமும் சந்தோஷமும் பொங்கிப் பெருகணும்! புரிதலும் அன்பும் ஒற்றுமையும் பல்மடங்காக பெருகணும்! நாடும் வீடும் வளமாக இருக்கணும்!

 

பயிர்பச்சைகள் செழிப்பாக வளர்ந்து விவசாயிகளின் மனம் குளிரணும்! இயற்கை நமக்கு உற்ற துணையாக என்றும் இருக்கணும்! மக்கள் மனதில் திருப்தியும், நிதானமும், பக்குவமும் நிலைத்து இருக்கணும்! நடப்பவை எல்லாம் நன்மைக்கே என்ற மனநிலை நமக்குள் வளரணும்! எல்லாவற்றையும் தந்த இறைவனுக்கு என்றும் நன்றி சொல்வோம்!

 

தித்திக்கும் பொங்கல் நல்வாழ்த்துகள்!

 

*******

 

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

 

நட்புடன்

 

ஆதி வெங்கட்