அந்தமானின் அழகு - மின்னூல் வடிவில் எப்போது?

அன்பின் நண்பர்களுக்கு, இனிய காலை வணக்கம். இந்த நாளை நல்லதொரு வாசகத்துடன் தொடங்கலாம்.  

முயற்சி, முயற்சி, முயற்சி மற்றும் தொடர்ச்சியான முயற்சி என்பதே எதிலும் நிபுணராவதற்கே பின்பற்ற வேண்டிய விதி - வில்லியம் கிளமெண்ட் ஸ்டோன். 

*****

அந்தமானின் அழகு பயணத் தொடராக வலைப்பூவில் எழுதும்போது சிலர் என்னிடம் கேட்ட கேள்வி - இந்தப் பயணத் தொடர் எப்போது மின்னூலாக வெளி வரும் என்பது தான். சமீபத்தில் ஒரு நண்பரும் அலைபேசி வழி இதே கேள்வியைக் கேட்டிருந்தார்.  மின்னூலாக வெளியிடுவதற்கான வேலையைத் துவங்கி இருக்கிறேன். விரைவில் வெளிவரலாம். வெளியிட்டதும் இங்கேயும் முகநூலிலும் தகவல் தெரிவிக்கிறேன்.  பொதுவாக குழுவினருடன் பயணம் சென்று வந்தாலும், என்னைத் தவிர குழுவில் உள்ளவர்கள் யாரும் பயணம் பற்றிய தங்கள் எண்ணங்களை எழுதியதில்லை. இந்த முறை அனைவரிடமும் அவரவர் எண்ணங்களை எழுதித் தரச் சொல்லியிருந்தேன். அப்படி எழுதியவற்றை இங்கே எனது தளத்திலும் பகிர்ந்து கொண்டிருக்கிறேன்.  

நண்பர் ஸ்ரீபதி அவர்களை எல்லோருமாகச் சேர்ந்து எழுதித் தந்தே ஆகவேண்டும் என உசுப்பேத்தி விட மொத்தம் 19 பக்கங்களுக்கு எழுதித் தள்ளிவிட்டார் - பயணத்தில் பார்த்த அனைத்து விஷயங்களும் இதில் எழுதி இருக்கிறார்.  அதைத் தனித் தனிப் பதிவுகளாக வெளியிட்டால் மூன்று அல்லது நான்கு பதிவுகளாக வெளியிட வேண்டியிருக்கும். ஆகையால் ஒரே பதிவில் வெளியிட யோசித்து அவரது பயண அனுபவத்தினை PDF வடிவில் இந்தப் பதிவில் சேர்த்திருக்கிறேன்.  பொதுவாக இப்படிச் செய்வதில்லை என்பதை நீங்களும் அறிவீர்கள்.  நண்பரின் கைவண்ணத்தில் அந்தமான் பயணம் படிக்கலாம் வாருங்கள்.  

என்ன நண்பர்களே, இன்றைய பதிவு பற்றிய கருத்துகளை பின்னூட்டம் வழி சொல்லுங்கள். நாளை வேறொரு பதிவுடன் சந்திக்கும் வரை... 

நட்புடன்

வெங்கட் நாகராஜ்

புது தில்லி.