அன்னம் விடு தூது – 2 – சங்கீதா

அன்பின் நண்பர்களுக்கு, 20.03.2013 அன்று வெளியிட்ட கவிஞர்களுக்கு/கதாசிரியர்களுக்கு ஒரு அழைப்பு! எனும் பதிவின் அழைப்பினை ஏற்று, வந்திருக்கும் இரண்டாம் கவிதையை இன்று இங்கே பகிர்ந்துள்ளேன். சங்கீதா எனும் வலைப்பூவில் எழுதி வரும் சங்கீதா RG எழுதிய கவிதையினை இன்று பகிர்ந்துள்ளேன்.

அன்னத்தினை தூது மட்டுமா விட முடியும். அன்னத்திடம் கேள்விகளும் கேட்கமுடியுமே என்று நினைத்து எழுதிய கவிதை.

பட உதவி: சுதேசமித்திரன் 1957

சித்திரக்கவிதை

அன்னமே என்ன பார்க்கிறாய்?
என்ன கேட்க தயங்குகிறாய்?
காடழிந்து கான்க்ரீட் கட்டடங்களாய்
குளம் வற்றி மண் வெடிப்புகளாய்
இருக்கும் காலத்தில்
இத்தகைய காட்சியை
சித்திரத்தில் மட்டுமே
பார்க்க முடிகிறது என்றா?

முக நூலிலும் அலை பேசியிலும்
பேசும் பெண்கள் நிறைந்த காலத்தில்
வடிவாய் அழகாய் அன்னத்திடம்
பேசும் நங்கையை 
சித்திரத்தில் மட்டுமே
பார்க்க முடிகிறது என்றா?

என்ன செய்வது விளைவை
யோசிக்காமல் மாறியும் மாற்றியும் விட்டோம்
இப்பொழுது கவலையுடன் யோசிக்கிறோம்
என்ன செய்வது என்று
நீயே வழி சொல் அன்னமே!!!!

-          சங்கீதா.

என்ன நண்பர்களே கவிதையினை ரசித்தீர்களா? கவிதைக்கான பாராட்டுகளுக்கு உரியவர் ஆசிரியர் மட்டுமே! கவிதை எழுதிய சங்கீதா அவர்களுக்கு ஒரு பூங்கொத்து!

அடுத்த பதிவில் சந்திக்கும் வரை.....

நட்புடன்

வெங்கட்.

புது தில்லி.