கதம்பம் - அன்பு - விசிஆர் - பைனாப்பிள் ரசம் - ஆரத்தி தட்டு - நவராத்திரி ஓவியம்

அன்பின் நண்பர்களுக்கு, இனிய காலை வணக்கம். இன்றைய நாளை நல்லதொரு வாசகத்துடன் தொடங்கலாம் வாருங்கள். 

யாரிடம் அன்பு அதிகமாக இருக்கிறதோ, யார் அறிவாளியோ, அவர்கள் தான் விட்டுக் கொடுப்பார்கள், அனுசரித்துப் போவார்கள், பொறுத்துப் போவார்கள் - வேதாத்ரி மகரிஷி.

*&*&*&*&*&*&

விசிஆர் - 22 அக்டோபர் 2020:

சிறுவயதில் எங்கள் குடியிருப்பில் உள்ள ஒருவர் வீட்டில் தான் முதன்முறையாக VCRல் படம் பார்த்தேன்..Jurassic park என்று நினைவு! வாடகைக்கு டெக் எடுத்து வந்து பார்ப்பது அப்போது வழக்கம் தானே! எல்லா குட்டீஸும் அந்த வீட்டில் கூடிவிடுவோம்..🙂 அதன் பிறகு VCD, DVD ப்ளேயர்கள் வந்தன..இப்போது YouTube, Hotstar, Netflix காலம்!

இன்று மதியம் சற்றே கண்ணை அசத்திய நேரம் தெரிந்தவரிடமிருந்து அழைப்பு...🙂 (தூக்கத்தில் கல்லைப் போடத் தான் எத்தனை பேர்??) உங்ககிட்ட VCR இருக்கா? இருந்தா தாங்களேன் என்றார்! ஒரு நிமிடம் யோசித்தேன்..🙂 பிறகு தான் நினைவுக்கே வந்தது..🙂 

எங்கிட்ட அதெல்லாம் இல்லை என்று சொல்லி ஃபோனை வைத்தேன். இது மாதிரி இரவல் கேட்டதெல்லாம் பெரிய லிஸ்ட்டே போடலாம்..🙂 எல்லோருக்குமே என் முகம் ஏனோ சட்டென்று நினைவுக்கு வந்து விடும்..:)) 

___________________ 

இனிப்பு இல்லாத கொண்டாட்டங்களா!!

இன்று சஹானா இணைய இதழில் என்னுடைய ஸ்வீட் ரெசிபி ஒன்று பிரசுரமாகியுள்ளது..சட்டென்று செய்ய எளிமையானது..பிரசுரித்த தோழி Bhuvana Govind க்கு நன்றிகள்!

இணைப்பு இதோ! மில்க் பேடா

_______________________

பராமரிப்பு:

ஒவ்வொரு முறை சிம்னி சர்வீஸுக்கு வரும் நபர்களும் சொல்லுவது போல தான் இம்முறையும்! எண்ணெயே யூஸ் பண்ணமாட்டீங்களா??? மோட்டார்ல கூட எண்ணெய் இல்ல! சில பேர் வீட்டுல ஃபில்டர்ல இருந்தும், மோட்டார்ல இருந்தும் சொட்டும்..சுவரெல்லாம் எண்ணெயா இருக்கும்! என்பது தான்.

மாதத்தில் இருமுறை எண்ணெயில் பொரித்தெடுப்பேன்! வருடத்துக்கு ஒருமுறை தான் சர்வீஸ்! முன்பெல்லாம் ஃபில்டர்களை நானே க்ளீன் செய்வேன்..இப்போதெல்லாம் நடுவில் நானும் செய்வதில்லை! பராமரிப்பு அவரவர் கையாளும் விதத்தில்!

நேற்றைக்கு முந்தைய நாள் எங்கள் தளத்தில் உள்ள ஒருவர் வீட்டில் பார்த்த கொலுவும் இணைத்திருக்கிறேன்.

இந்த வார காணொளிகள்:

பைனாப்பிள் ரசம்!

சென்ற வாரம் வெளியில் சென்ற போது வழியில் மாம்பழ அக்காவைப் பார்த்தேன். அவரிடம் வாங்கிய பைனாப்பிளை வைத்து ரசம் செய்து இந்த வாரம் பகிர்ந்துள்ளேன்..

பைனாப்பிள் ரசம்

மாம்பழ அக்கா!!

நம்ம வீட்டுக்கு மாம்பழ சீசனில் அருகில் உள்ள கிராமத்து தோட்டத்து பழங்களைக் கொண்டு வந்து விற்பனை செய்வார் இந்த அக்கா! அக்கா இப்போது புதிதாக பழக்கடை போட்டுள்ளார்.. ஆட்டோவில் போனாலும், மாஸ்க் போட்டு முகத்தை மறைத்திருந்தாலும் எப்படியாவது கண்டுபிடித்து கைகாட்டுவார்..🙂 

Aarthi plates!

நவராத்திரியில் தாம்பூலத்தில் வைத்து தந்த தட்டுகள் ஒரே டிசைனில் ஒன்று போலவே ஐந்து இருக்கின்றன..🙂 என்ன செய்வது?? எவர்சில்வர் வேறு! வீணாகப் போகவும் வாய்ப்பில்லை! ஒன்றை புழக்கத்துக்கு எடுத்துக் கொண்டேன்! இரண்டை ஆர்த்தி தட்டுகளாக மாற்றலாம் என்று மகள் செய்து இந்த வார காணொளியாக பகிர்ந்துள்ளாள்..

ஆரத்தி தட்டு

முன்பெல்லாம் தாம்பூலத்தில் வைத்துத் தரும் ப்ளவுஸ் பிட் தான் சுற்றிக் கொண்டே இருக்கும் என்று சொல்வார்கள்.. பெரும்பாலும் மேட்சிங் இல்லையெனில் அதை யாரும் தைத்துக் கொள்ள மாட்டார்கள்..🙂 வேறு யாருக்காவது வைத்து தந்து விடுவார்கள்.. இப்படித்தான் சுற்றிக் கொண்டே இருக்கும்..🙂 

அதற்கு மாற்றாகத் தான் உபயோகமான பொருளாக இருக்கட்டும் என்று இப்போது எதையாவது தருகிறார்கள். ஆனாலும் ஒரே பொருளை எத்தனை தான் பயன்படுத்துவது??? இதுவும் யோசிக்க வேண்டிய விஷயம் இல்லையா...:))

இந்த வார காணொளிகளை பார்த்து உங்கள் கருத்துக்களையும் பகிர்ந்து கொள்ளுங்களேன்..

ரோஷ்ணி கார்னர் - 26 அக்டோபர்: 

நவராத்திரி சமயத்தில் மகள் வரைந்த துர்கா படம்…

இந்த வாரத்தின் கதம்பம் பதிவாக பகிர்ந்து கொண்ட விஷயங்கள் பற்றிய உங்கள் கருத்துகளை பின்னூட்டத்தில் சொல்லுங்கள். மீண்டும் ஒரு பதிவுடன் உங்கள் அனைவரையும் சந்திக்கும் வரை…

நட்புடன்

ஆதி வெங்கட்.