SCHOOL BOY – குறும்படம்

அனைத்து நண்பர்களுக்கும் இனிய காலை வணக்கம். இன்றைய பொழுதை, நல்லதொரு வாசகத்துடன் ஆரம்பிக்கலாம். 

அவமானங்கள் பலரை வீழ்த்திடச் செய்கிறது. சில நேரங்களில் உயர்த்திடவும் செய்கிறது. பொறுமை மற்றும் மன உறுதியுடன் செயல்பட்டால் அவமானம் கூட வெகுமானமாய் மாறிவிடும்! 

*****

இந்த வாரமும் நான் உங்களுடன் பகிர்ந்து கொள்ளும் ஒரு குறும்படம் வெளிநாட்டுக் குறும்படம் தான் – ஆங்கிலத்தில் சப் டைட்டில்கள் உண்டு! மொழி தெரியாது என்ற கவலை வேண்டாம். இதனை குறும்படம் என்று சொன்னாலும், இது ஒரு விளம்பரமும் கூட! McD போலவே Jollibee என்ற நிறுவனத்திற்கான விளம்பரம் – இவர்களது விளம்பரங்கள் பலவும் உண்மைக் கதைகளை வைத்தே எடுக்கிறார்கள். இன்று நீங்கள் பார்க்கப் போவதும் அப்படியான ஒரு குறும்படம்/விளம்பரம் தான். 

பள்ளியில் படிக்கும் மாணவன் – அவன் முகத்தில் ஒரு பெரிய மச்சம் – வித்தியாசமான வடிவில் மச்சம், பெரியதாகவும் இருப்பதால் சக மாணவர்கள் பலரும் அவனைக் கிண்டல் செய்து கொண்டே இருக்கிறார்கள். மாணவனை தினமும் பள்ளியில் விட்டு வரும் அவனது தாய் தைரியம் தரும் வார்த்தைகளைச் சொல்லி அனுப்புகிறாள். ஆனாலும் பள்ளி மாணவர்களின் குறும்புகளைக் கேட்க வேண்டுமா? அந்த மாணவன் தனக்கு வரும் சோதனைகளை எதிர்கொண்டு எப்படி சாதனை புரிகிறான் என்று சொல்லும், மனதைத் தொடும் இந்தக் குறும்படத்தினைப் பாருங்களேன்! Mother’s Day கொண்டாட்டமாக இந்தக் குறும்படம் வெளியிட்டு இருக்கிறார்கள்.

 

காணொளியாக இணைத்திருந்தாலும், சில சமயங்களில் யூவில் சென்று தான் பார்க்க வேண்டும் என இணையம் அடம் பிடிக்கலாம்! அதனால் கீழே யூட்யூப் சுட்டியும் கொடுத்திருக்கிறேன். அங்கேயும் சென்று பார்க்கலாம்! 

SCHOOL BOY

நண்பர்களே, இந்த ஞாயிறில் உங்களுடன் பகிர்ந்து கொண்ட குறும்படம் உங்களுக்குப் பிடித்ததா? பதிவு பற்றிய உங்கள் கருத்துகளைச் சொல்லுங்களேன். விரைவில் வேறு ஒரு பதிவுடன் மீண்டும் ச[சி]ந்திப்போம்... 

நட்புடன் 

வெங்கட் நாகராஜ் 

புது தில்லி