ப்ரேம் Bபிஷ்ட் - நந்தி குண்ட் - நிழற்பட உலா - பகுதி ஒன்று

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

 

நேற்று வெளியிட்ட காஃபி வித் கிட்டு பதிவை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

 

RESPECT YOUR TIME; IT’S ALWAYS TRYING TO GIVE YOU THE BEST. USE IT WELL.

******

 

அலுவலக நண்பர் திரு ப்ரேம் பிஷ்ட் அவர்கள் அவ்வப்போது மலையேற்றம் செய்வது குறித்து முன்னரும் சில பதிவுகள் எழுதி இருக்கிறேன்.  அவரது இரு பயணங்கள் குறித்த தொடர்களும், சில மலையேற்றம் தொடர்பான நிழற்பட உலாக்களும் இங்கே பதிவு செய்தது உங்களுக்கு நினைவில் இருக்கலாம்.  நடுவில் இங்கே எனது பதிவுகளே வெளியிடாமல் இருந்ததோடு, நண்பரின் பதிவுகளும் வெளியிட இயலவில்லை.  இதோ மீண்டும் நண்பர் ப்ரேம் Bபிஷ்ட் அவர்களின் மற்றுமொரு மலையேற்றத்தில் எடுத்த நிழற்படங்களை இந்த ஞாயிறிலிருந்து உங்கள் அனைவருடனும் பகிர்ந்து கொள்ள இருக்கிறேன்.  அவர் எடுத்த படங்களை இங்கே பகிர்ந்து கொள்ள சம்மதித்ததற்கு அவருக்கு உங்கள் சார்பாகவும் நன்றி சொல்லி விடுகிறேன்.  அவர் 2021-ஆம் ஆண்டு செய்த ஒரு மலையேற்றப் பயணம் உத்திராகண்ட் மாநிலத்தில் உள்ள நந்தி குண்ட் (Nandi Kund) என்ற இடத்திற்கு!  நந்தி குண்ட் குறித்த தகவல்கள் வரும் நாட்களில் பதிவாக எழுதுகிறேன். அந்தப் பதிவுகளுக்கு முன்னோடியாக அங்கே எடுத்த சில நிழற்படங்கள் இந்த ஞாயிறில் நிழற்பட உலாவாக உங்கள் பார்வைக்கு! 

 

******

 

இந்த வாரத்தின் நிழற்பட உலா பதிவு குறித்த தங்களது எண்ணங்களை பின்னூட்டம் வாயிலாக சொல்லுங்களேன்.  மீண்டும் வேறொரு பதிவுடன் உங்கள் அனைவரையும் சந்திக்கும் வரை…

 

நட்புடன்

 

வெங்கட் நாகராஜ்

புது தில்லியிலிருந்து….