ஐம்புலன்களுக்கு விருந்து – நிழற்பட உலா - பகுதி ஒன்று

எல்லா வருடம் போலவே, இந்த வருடமும் தலைநகர் தில்லியின் “தில்லி அரசாங்கம்” தலைநகரின் சாகேத் பகுதியில் உள்ள பூங்காவில் [Garden of Five Senses] தோட்டத் திருவிழா நடத்தியது 16-18, ஃபிப்ரவரி 2019 – மூன்று நாட்கள் மட்டுமே இந்தத் திருவிழா.

வெள்ளிக்கிழமை அலுவலகம் உண்டு. சனி, ஞாயிறு இரண்டு நாட்களுமே எங்கள் பகுதியில் ஒரு நிகழ்ச்சி – காலை முதல் இரவு வரை இருந்த நிகழ்ச்சி. இதற்கிடையே, சனி அன்று அலுவலகமும் செல்ல வேண்டியிருந்தது. அலுவலகத்திற்குச் சென்று சில வேலைகளை முடித்து, நடுவே கிடைத்த சில மணி நேரத்தில் இந்த பூங்காவிற்கு நண்பர் பத்மநாபன் உடன் சென்று வந்தேன்.

உங்களுக்கும் பத்மநாபனுக்கும் வேற வேலையே இல்லையா? இப்படி அடிக்கடி ஊர் சுத்தறீங்களே? என்ற கேள்விகள் வேறு வந்த வண்ணம் இருக்கிறது! ஆனாலும், ஏதோ நடுவில் இப்படி கொஞ்சம் சுற்றினால் தான் பணிச்சுமை மறக்க முடிகிறது! சில விஷயங்களை பொதுப்படையாக எழுத முடியாது. ஒரே நாளில் வேலைப்பளு அதிகரிக்க, அதைச் சரி செய்ய பல நாட்கள் கண்கள் எரிய எரிய, கணினியில் வேலை செய்ய வேண்டியிருக்கிறது. கைவிரல்கள் கெஞ்சுகின்றன – என்னை விட்டுவிடேன், எனக்குக் கொஞ்சம் ஓய்வு கொடேன் என்று!  சரி பூங்காவில் உலவ வந்துவிட்டு இப்படிச் சொந்தப் புலம்பல் எதற்கு!  வாருங்கள் இந்த வாரத்தில் பூங்கா உலாவின் முதல் பகுதியாக பதினைந்து நிழற்படங்கள்.

என்ன நண்பர்களே, இந்த வாரத்தின் நிழற்பட உலா உங்களுக்குப் பிடித்திருக்கிறதா? உங்கள் கருத்துகளைச் சொல்லுங்களேன். விரைவில் வேறு சில நிழற்படங்களோடு மீண்டும் ச[சி]ந்திப்போம்….

 

நட்புடன்

வெங்கட்

புது தில்லி