குறும்படம் - ZAAYKA

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

நேற்று வெளியிட்ட தலைநகரிலிருந்து பதிவை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

வாழ்க்கை ஓர் புள்ளி போல… தன் கவலையை மறந்து முன்னேறுபவனுக்கு அது துவக்கப்புள்ளி… அக்கவலையில் மூழ்குபவனுக்கு அதுவே முற்றுப்புள்ளி…  வாழ்க்கையை கவலையின்றி வாழ பழகுவோம்.

******

இந்த நாளில் மீண்டும் குறும்படம் பதிவுடன் உங்கள் அனைவரையும் சந்திப்பதில் மகிழ்ச்சி. இன்றைக்கு நாம் பார்க்கப் போகும் காணொளி ஒரு மூதாட்டி - தனது வயது காரணமாக உணவுக் கட்டுப்பாடுடன் இருக்க, வீட்டில் இருக்கும் மற்றவர்கள் காரசாரமான (ஹிந்தியில் சட்பட்டா கானா) உணவு உண்கிறார்கள்.  மருமகள் என்னதான் மாமியாருக்கு தாங்கள் சாப்பிடும் உணவை கொஞ்சமேனும் கொடுக்கலாம் என்றாலும், மகன் அப்படிச் செய்ய ஒப்புக் கொள்வதில்லை.  மருமகள் ஒரு முடிவு எடுக்கிறார் - அந்த முடிவு என்ன? என்பதை  காணொளியைப் பார்த்து தெரிந்து கொள்ளலாம்.  பாட்டியின் நடிப்பு கலக்கல் - அதிலும் உணவு குறித்து அவர் சப்புக்கொட்டி சாப்பிடுவது போல பாவனை செய்யும் இடங்கள் செம! பாருங்களேன்.

மேலே உள்ள காணொளி வழி பார்க்க இயலவில்லை என்றால், இந்த இணைப்பு வழி பார்க்கலாம்!

நண்பர்களே இன்றைய குறும்படம்/காணொளி குறித்த உங்கள் கருத்துரைகளை பின்னூட்டத்தில் சொல்லுங்களேன்.  நாளை வேறொரு பதிவு வழி உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லியிலிருந்து….