ஃப்ரூட் சாலட் – 155 – சீட் பெல்ட் – மின் புத்தகம் – கல்யாணம்!

சற்றே இடைவெளிக்குப் பிறகு:

சென்ற வருடத்தில் ஃப்ரூட் சாலட் பகிர்ந்து கொண்ட பிறகு நான்கு வாரங்களுக்கு மேலாக ஃப்ரூட் சாலட் பகிர்ந்து கொள்ள முடியவில்லை. பழங்கள் கிடைக்கவில்லையோ என்று நீங்கள் எண்ணி இருக்கக்கூடும்! பழங்கள் நிறையவே இருந்தாலும் அதை தேர்ந்தெடுத்து பழக்கலவையாக உங்களுடன் பகிர்ந்து கொள்வதற்கான நேரக் குறைவு தான் இடைவெளிக்குக் காரணம். இதோ மீண்டும் வந்து விட்டேன்!

அடுத்தவனுக்காவே....

இவன் என்ன நினைப்பான், அவன் என்ன நினைப்பான்னு நினைச்சே வாழ்றோம்.... ஆனா உண்மையில் ஒருத்தனும் நம்மளைப் பத்தி நினைக்கிறதேயில்ல.......

கல்யாணம்... கல்யாணம்!:

Marriage may be made in heaven….  But the maintenance charges must be paid on Earth!

சுத்தம் – ஒரு பாடம்:

வெளியே சென்று வீடு திரும்பினால் அப்போது தான் உங்கள் மனைவி அல்லது அம்மா வீட்டைத் துடைத்து சுத்தம் செய்து இருப்பார்கள். அழுக்குக் காலோடு வீட்டுக்குள் நுழைய பூரிக்கட்டையோ அல்லது மண்டகப்படியோ நிச்சயம் வாங்கிக் கொள்வோம்.....  அப்படி நடக்கக் கூடாது என்றால் இந்தக் காணொளியைப் பாருங்களேன்...  எவ்வளவு அழகாய் நமக்குச் சொல்லித் தருகிறது இந்த நாய்க்குட்டி....

சீட் பெல்ட் அணியுங்கள்:

நான்கு சக்கர வாகனங்களில் பயணிக்கும் போது சீட் பெல்ட் அணிந்து கொள்வது மிகவும் அவசியமானது..... மிகச் சிறப்பாக அதைச் சொல்கிறது இக்காணொளி.... பாருங்களேன்.

ரசித்த திறமை.....  

உயிர்களை நேசிப்போம்.... 

பாசம் வைக்க 
பூனையென்ன,புலியென்ன..? 
 கருணை மிகுமனிதனுக்கு 
புலியோ,பூனையோ..
ஏன் காகமாயினும் கூட.. 
உயிர் விலை மதிப்பற்றது! 
அன்பு செலுத்துவோம்... 
உயிர்களை நேசிப்போம்!!! 


மின் புத்தகம்:

எனது இரண்டாவது மின் புத்தகம் “மத்தியப் பிரதேசம் அழைக்கிறது” பற்றி முன்னரே தெரிவித்திருந்தேன். இப்போது இன்னுமொரு மகிழ்ச்சியான செய்தி. ”மத்தியப் பிரதேசம் அழைக்கிறது” தொடர் இப்போது தின வணிகம் நாளிதழின் சுற்றுலா.காம் பகுதியில் வாரா வாரம் வெளி வருகிறது. முதல் பகுதி 13 ஜனவரி 2016 அன்று வெளியாகி இருக்கிறது.  நண்பர் செந்தில் குமாருக்கு நன்றி. 

மீண்டும் அடுத்த வெள்ளியன்று வேறொரு ஃப்ரூட் சாலட்-ல் சந்திக்கும் வரை…. 

நட்புடன் 

வெங்கட் 

திருவரங்கத்திலிருந்து.....