கதம்பம் - ரங்கனின் மாசித் தெப்பம் - Fashion designing என்றால் சும்மாவா? - Millet Cookies

அன்பின் நண்பர்களுக்கு, இனிய காலை வணக்கம். இந்த நன்நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.  

இதற்கு முன்னர் வெளியிட்ட ஒரு விபத்தும் ஓட்டுநரின் கோபமும்  பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

 

*******

ரங்கனின் மாசித் தெப்பம் - 19 ஃபிப்ரவரி 2024:

அப்பா! அப்பா! இப்போ என்ன பாக்கப் போறோம்?

இதோ இந்த குளத்தில அங்க தெரியுது பாரு அந்தக் குதிரையில பெருமாள் வருவாரு!

அப்பா! என்னத் தூக்கிக் காட்டு!

எனக்கு அந்த பொம்மை வேணும்!

திரும்பி வரப்போ அப்பா வாங்கித் தரேன்! என்ன!

சின்னஞ்சிறு பாலகன் ஒருவன் வேட்டி சட்டை அணிந்து அப்பாவின் கைப்பிடித்துக் கொண்டு  நடந்து செல்கையில் இந்த உரையாடல்..🙂

நிறைந்திருக்கும் தெப்பக்குளமும், அதில் வண்ண விளக்குகள் ஜொலிக்கும் தெப்பமும், நீராழி மண்டபமும், ரங்கனைக் காண ஓடி வரும் ஜனத்திரளும், இந்த விழாவுக்காக புதிதாக முளைத்திருக்கும் கடைகளும் என பார்க்க முடிந்தது!

தெப்பத்தில் பவனி வருவதற்காக அருகிலுள்ள மண்டபத்தில் எழுந்தருளியிருந்த ரங்கனைக் கண்குளிர தரிசித்து பிரதட்சணமும் செய்து தீர்த்தம் சடாரியும் வாங்கிக் கொள்ள முடிந்தது! எல்லோரையும் காத்து ரட்சிக்கணும் ரங்கா!

நல்லதே நடக்கணும்!

*******

Fashion designing என்றால் சும்மாவா - 25 ஃபிப்ரவரி 2024:

Fashion designing என்றால் சும்மாவா!!! ஏதோ ஜாலியா படிச்சிட்டு போலாம் என்று நினைக்கவே முடியாது!! கஷ்டப்படாமல் எதுவும் கிடைக்காது! மகள் இரண்டாவது செமஸ்டரில் யுனிவர்சிட்டி எக்ஸாமுக்கு தயாராகிக் கொண்டிருக்கிறாள்! 

கடந்த ஒரு வாரமாக exam practicalக்காக record note, observation note போன்றவற்றில் இரவெல்லாம் எழுதியும், வரைந்தும், ஒட்ட வேண்டிய sampleக்காக  Hand embroidery செய்தும், sewing techniques என்று சொல்லப்படுகிற  machine stitching என்று ஏகப்பட்ட வேலைகள்! ஒவ்வொரு சாம்ப்பிளும் 20இலிருந்து 25 இருக்கிறது!

நேரமோ குறைவு! வேலைகளோ அதிகம்! அவள் செய்யும் வேலைகளைப் பார்த்து அணிலாக நானும் என்னால் இயன்ற  சின்னச் சின்ன உதவிகளை செய்து கொண்டிருக்கிறேன்! 

*******

Multi millets cookies - 29 ஃபிப்ரவரி 2024:

சில நாட்களுக்கு முன்னர் காலை நேரத்தில் பருகுவதற்காக 21பொருட்களை சேர்த்து அரைத்த கஞ்சிமாவு தயார் செய்தது பற்றி பகிர்ந்திருந்தேன். அந்த மாவில் சிறுதானியங்கள், நவதானியங்கள், பருப்புகள் என்று உடலுக்கு ஆரோக்கியத்தை தரக்கூடிய பொருட்கள் அனைத்தும் இடம் பெற்றிருக்கும்!

இன்று அந்த மாவில் மாலைநேரத்தில் தேநீருடன் கொறிப்பதற்காக குக்கீஸ் செய்து பார்த்தேன். மாவுடன், நாட்டுச் சர்க்கரையும், நெய்யும் சேர்த்து பேக் செய்ய வேண்டியது தான். செய்வதும் சுலபம்! மிகவும் சுவையாகவும் உள்ளது!

*******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

ஆதி வெங்கட்