கதம்பம் - பொறியாளர் தினம் - வேண்டும் வேண்டும் - விஜி வெங்கடேஷ்

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

இதற்கு முன்னர் வெளியிட்ட நடை நல்லது - பகுதி பத்து பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

******

இந்த வாரமும் விஜி வெங்கடேஷ் அவர்கள் எழுதிய கதம்பம் பதிவு ஒன்று உங்கள் பார்வைக்கு - வெங்கட், புது தில்லி. ஓவர் டு விஜி வெங்கடேஷ். 

******

பொறியாளர் தினம் - 15 செப்டம்பர் 2024:

பொறியாளர் என்பது வெற்றுச் சொல் அல்ல, ஒரு வெற்றிச் சொல்!

எதிலும் மாற்றி யோசிக்கும் திறமை;

இறங்கி செயலாற்றும் எளிமை ;

பார்த்தவுடன் பொறி தட்டும் அறிவு;  

வேலையில் நேர்த்தி எனும் செறிவு;

கண்டுபிடிப்பு விஞ்ஞானியில் தொடங்கும்; பொறியாளரிடம் அடங்கும்!

விண்வெளி முதல் சமையலறை வரை சகல கருவிகளுக்கும் இவர்கள் தந்தை!

அது செயலாற்றும் விதம் அவர்களுக்கே புரியும் விந்தை;

ராக்கெட் முதல் எலக்ட்ரிக் சாக்கெட் வரை;

கணினி முதல் luxury கார் வரை;

அனைத்தும் இவர்களின் கை வண்ணம்;

அவற்றின் மூலம், அவர்தம் எண்ணம்!

எந்த நேரத்திலும் எல்லா இடத்திலும் இவர்கள் பணி தேவை;

இவர்கள் பார்த்ததில்லை தங்கள் சுயத் தேவை!

வேலையில் காலம் நேரம் எனும் எல்லையில்லை.

அதைப் பற்றி இவர்களுக்கு கவலையுமில்லை;

தொழில் நுட்பம் இவர்களால் சிறப்பாய் மலரும்;

பொருளாதாரம் அதனால் அபாரமாய் வளரும்;

வாழ்க பொறியாளர்; வளர்க அவர்தம் பணி!💐💐💐

Happy Engineer's Day!🌹🌹🌹

******

*வேண்டும் வேண்டும்*🙏🏻🙏🏻 - 22 செப்டம்பர் 2024:

தெய்வ அருள், உடல் பலம், மன நலம் வேண்டும்.

யாரையும் மனதாலும் நிந்திக்காதிருக்க வேண்டும்.

பழைய குப்பைகளை சிந்திக்காதிருக்கவெண்டும்;

மன்னிக்கவும் மறக்கவும் பழக வேண்டும்;

யாரிடமும் எதையும் யாசிக்காமல் இருக்க வேண்டும்;

தர்மம் ஒருபோதும் யோசிக்காமல் செய்ய வேண்டும்;

எந்நேரமும் கடவுளை  மனதில் இறுத்தவேண்டும்;

நல்லவைகளை நினைவில் நிறுத்த வேண்டும்;

அல்லவைகளை வெறுத்து ஒதுக்க வேண்டும்;

பிறர் குற்றங்களை பொறுக்க வேண்டும்;

தன் குற்றங்களை அகற்ற வேண்டும்;  

தான் எனும் எண்ணத்தைக் களைய வேண்டும்;

நல்ல சொற்பொழிவுகள் கேட்க வேண்டும்;

நல்ல இலக்கியங்கள் படிக்க வேண்டும்;

தர்ம காரியங்கள்  செய்து முடிக்க வேண்டும்;

கோவில்கள் செல்ல அருள் கிடைக்க வேண்டும்;

மனம் வாக்கு காயத்தால் (உடல்) சேவை செய்ய முடிய வேண்டும்.

பிறந்த பயனை அடைய வேண்டும்;

உன் தாளை மறவாதிருக்க வேண்டும்;

இனி பிறவாதிருக்க வேண்டும்;

இது அனைத்தும் உன்னிடம் வேண்டும் எனக்கு இன்றே

விரைவாய்

வருவாய்

அருள்வாய்

மஹா பெரியவா 🙏🏻🙏🏻🙏🏻

மீண்டும் வேறு ஒரு பதிவு வழி சந்திப்போம்…

நட்புடன்

விஜி வெங்கடேஷ்

பின்குறிப்பு: தனது பிறந்த நாளை கடந்த செப்டம்பர் மாதம் 22-ஆம் தேதி கொண்டாடிய திருமதி விஜி வெங்கடேஷ் அவர்களுக்கு இந்தத் தளத்தின் வழியே பிறந்த நாள் வாழ்த்து… - இங்கே வெளியிட ஒரு மாதம் தாமதம் ஆகிவிட்டது என்றாலும் வாழ்த்திவிடுவோம் என வாழ்த்தி இருக்கிறேன் - உங்கள் அனைவரின் சார்பிலும்…

*******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லி

22 அக்டோபர் 2024