நிழற்பட உலா - சுரங்கப் பாதையில் யோகா ஓவியங்கள்

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

இதற்கு முன்னர் வெளியிட்ட பன்முகத்தன்மையின் பிறந்த நாள் பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

******

சற்றே இடைவெளிக்குப் பிறகு இந்த ஞாயிற்றுக் கிழமையில் ஒரு நிழற்பட உலாவுடன் உங்கள் அனைவரையும் சந்திப்பதில் மகிழ்ச்சி. சமீபமாக நகர்வலம் சென்று வருவது குறித்து எழுதிக் கொண்டிருப்பதை நீங்கள் அறிந்திருக்கலாம். அப்படி நகர்வலம் வந்தபோது தில்லியின் கனாட் ப்ளேஸ் பகுதியில் உள்ள சுரங்கப் பாதையை பயன்படுத்த வேண்டியிருந்தது. முன்பும் அந்தப் பாதையை பயன்படுத்தி இருக்கிறேன் என்றாலும் சுவர்களில் குட்கா/பான் கரைகளும் குப்பைகளுமாக இருக்கும்! இந்த முறை பார்த்தால் சிறப்பானதொரு ஒரு மாற்றம். எல்லா இடங்களும் சுத்தமாக இருந்தது. அது மட்டுமல்லாது சுவர்களில் வரிசையாக ஓவியங்கள் - யோகாசன முறைகள் குறித்தான அழகான ஓவியங்கள் - பெரிய அளவில் சுவர்களில் மாட்டி இருந்தார்கள். ஓவியங்களுக்கு அருகிலேயே அந்த யோகாவின் பெயர், கொஞ்சம் விளக்கம் ஆகியவற்றையும் ஹிந்தி மற்றும் ஆங்கில மொழிகளில் எழுதி வைத்திருந்தார்கள்.  ஓவியங்களின் பின்னணியில் தலைநகர் தில்லியின் பிரபலமான சுற்றுலாத் தலங்களும் வரைந்திருப்பது அழகு! இந்த ஓவியங்களை வரைந்தது தில்லி ஸ்ட்ரீட் ஆர்ட் குழுமத்தினர்!

நல்ல ஒரு முயற்சி இது! இது போன்ற சுரங்கப் பாதைகள் சிறப்பாக பராமரிக்கப்பட்டால் பயன்படுத்துபவர்களுக்கு நல்ல அனுபவம் கிடைக்குமே!  இந்த ஏற்பாட்டைச் செய்திருக்கும் புது தில்லி மாநகராட்சிக்கு பாராட்டுகள்.  அங்கே எடுத்த நிழற்படங்கள், இந்த வார நிழற்பட உலாவாக! 

வ்ருக்‌ஷாசன்

ஷஷாங்காசன்

சேதுபந்தாசன்

த்ரிகோணாசன்

பவன்முக்த் ஆசன்

தாடாசன்

வக்ராசன்

புஜங்காசன்

த்யான்

ஷவாசன்

பத்ராசன்

கபால்பாதி

சூர்ய நமஸ்கார்

ப்ராணாயம்

அர்த் உஷ்டாசன்

ஷல்பாசன்

பாதஹஸ்தாசன்

மகராசன்

சுரங்கப்பாதை செல்லும் படிகள்

*******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லி

6 அக்டோபர் 2024