Clicks & Colours – சில Concept புகைப்படங்கள்

முகப்புத்தகத்தில் நானும் இருப்பது பதிவுலக நண்பர்கள் சிலருக்குத் தெரியும். முகப்புத்தகத்தில் அவ்வளவாக எழுதுவதில்லை. அவ்வப்போது என்னுடைய பதிவுகளின் சுட்டியைக் கொடுப்பேன். மற்ற நண்பர்கள் பகிர்ந்து கொள்ளும் சில இற்றைகளை பகிர்ந்து கொள்வேன். அதைத் தவிர முகப்புத்தகத்திற்காகவே எதையும் பதிவது மிகக் குறைவு.  சில சமயங்களில் நான் எடுத்த புகைப்படங்களையும் பகிர்ந்து கொள்வேன்.

இப்படி இருக்கையில் உள்பெட்டியில் ஒரு நாள் ஆச்சி ஆச்சி [வலைப்பூவை மறந்த மற்றுமொரு வலைப்பதிவர்!] Clicks & Colours என ஒரு குழு முகப்புத்தகத்தில் இருப்பதைச் சொல்லி, என்னையும் அதில் சேர்ந்து கொள்ளச் சொன்னார். இந்த குழுமத்தில் ஒவ்வொரு வார இறுதியிலும் ஒரு Concept சொல்லி அதற்கான புகைப்படங்கள் குழுமத்தினர் வெளியிடுவார்கள். இது வரை இப்படி 63 Concept சொல்லி இருந்தாலும் நான் படங்கள் வெளியிட்டது சென்ற வார Concept-ஆன ”மென்மை” க்கு மட்டுமே!

இந்த வார Concept – காதல் கதை! இதற்கு பொருத்தமான படம் என்னிடம் இருக்கிறதா? தேடவேண்டும்.  அதற்கு முன்னர் இங்கே, இந்த ஞாயிறில் சென்ற வார Concept ஆன ”மென்மை”க்காக அங்கே வெளியிட்ட இரண்டு படங்களும், வெளியிடாத சில படங்களும் இன்றைக்கு உங்கள் பார்வைக்காக!

இன்னுமொரு விஷயம் – இந்த குழுமத்தில் முக்கிய பொறுப்பு வகிப்பவர்கள் நம் பதிவுலகம் சேர்ந்தவர்கள் தான் – அகிலா புகழ், கீதா மதிவாணன் மற்றும் தலைநகர் ஷாஜஹான் அவர்கள்.  திறம்பட குழுவினை நிர்வகித்து வரும் அவர்களுக்கு எனது வாழ்த்துகள்!

சரி இன்றைய புகைப்படங்களைப் பார்க்கலாம்.....

மென்மை:

என்ன நண்பர்களே, இந்த ஞாயிறில் வெளியிட்ட புகைப்படங்களை ரசித்தீர்களா?  பின்னூட்டத்தில் சொல்லுங்களேன்....

நாளை வேறு பதிவில் சந்திப்போம்.....

நட்புடன்

டிஸ்கி: புதுக்கோட்டையில் இன்று வலைப்பதிவர் சந்திப்பு. அங்கே நண்பர்கள் அனைவரும் உற்சாகமாக இருக்க, நான் தலைநகர் தில்லியில் இருக்கிறேன். மனம் மட்டும் அங்கே..... விழாவில் கலந்து கொள்ளும் அனைவருக்கும் வாழ்த்துகள் – கொஞ்சம் பொறாமையோடு!