Plastic உபயோகம் - விஜி வெங்கடேஷ்

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

இதற்கு முன்னர் வெளியிட்ட கதம்பம் பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

*******

விஜி வெங்கடேஷ் அவர்கள் தரும் சில குறிப்புகள், அனுபவங்கள் குறித்த பதிவு - வெங்கட், திருவரங்கம். ஓவர் டு விஜி வெங்கடேஷ். 

******

Plastic உபயோகம் - 22.05.2026 :

Plastic இன் magical மூன்று வார்த்தைகளே Reduce, Reuse & Recycle தான். 

99% என் handbag இல் 4,5 நல்ல thick ஆன carry bags, துணிப்பைகள் இருக்கும். ஆகவே கடைகளில் வாங்க மாட்டேன் - Reduce..

Roadside கடைகளிலும் யாராவது வாங்க வருபவர்கள் கேட்டாலும் நான் எடுத்துக் கொடுத்து விடுவேன் (கூடவே இலவசமாக அறிவுரை...) Door delivery செய்யும் கடைகளில் கொடுக்கும் பிளாஸ்டிக் கவர்களை அவர்கள் திரும்பப் பெறுவதில்லை. ஆகவே அவற்றை உடனேயே சாமான்களை அகற்றி நன்கு நீவி மடித்து ஒரு அட்டை டப்பாவில் வைத்துவிடுவேன்.

இங்கு எங்கள் கம்யூனிட்டிக்கு வாரமிருமுறை காய்கறிகள் கொண்டு வரும் பெண்மணி பிளாஸ்டிக் covers கொடுப்பதில்லை. அங்கு வாங்க வருபவர்கள் walking போய்விட்டு அப்படியே (கவர் எதுவும் இல்லாமல் - மொபைல் கொண்டு வர முடியும். ஒரு சிறிய பை பாக்கெட்டில் கொள்ளாதா...😕) வந்து bag கேட்பார்கள். அவர் paper etc. வில் சுற்றிக்கொடுப்பார். அதற்காக நான் இப்படி சேர்த்து வைத்த plastic covers ஐ அந்தப் பெண்மணியிடம் கொடுத்து வைத்துவிடுவேன், அப்படி வருபவர்களுக்காக.... இதுபோல் பூ விற்கும் பெண்மணியிடமும் கொடுப்பதுண்டு. Reuse...

கொஞ்சம் thick ஆன Plastic பைகள் கிழிந்தாலும் insulation tape போட்டு ஒட்டி use செய்வேன். அதற்கும் லாயக்கில்லை என்று அது ஆன பின்தான் அவை trash க்குப் போகும் (சேர்த்து தனியாக வைத்து குப்பை எடுப்பவர்களிடம் கொடுத்தால் அவை recycle க்கு போய்விடும்).. Recycle...

Plastic டப்பாவும் அப்படியே. வெளியூர் செல்லும்போது உணவை (நன்கு ஆறவைத்தபின்) அவற்றில் கொண்டு சென்று பின் dispose செய்துவிடலாம். சுமை இல்லை. (எங்கப்பா வாழை இலை வாங்கி வந்து அழகாக சதுரமாக cut செய்து newspaper மேல் வைத்து அதில் மிளகாய்ப்பொடியில் புரட்டிய இட்லிகள் (ஒரு பொட்டலத்தில் 4), பால் விட்டுப் பிசைந்த இஞ்சி பச்சைமிளகாய் தாளித்த தயிர்சாதம், எலுமிச்சை சாதம் (புளியோதரைக்குத் தடா - ரயில் சூட்டுக்கு வயிறு வலிக்குமாம்) இவற்றை அழகாக நூலால் கட்டி மேலே அது என்ன என்று எழுதி விடுவார். perfectionist to the core! இப்போது எங்கே வாழை இலை பொட்டலங்கள்! ஹோட்டலில் order செய்தாலும் plastic டப்பாக்களில்தான் கொடுக்கின்றனர்!)

Trash எடுக்க வருபவர்களுக்கு (மீதமான, நல்ல condition இல் இருக்கும்) உணவை அதில் pack செய்து neat ஆகக் குடுப்பேன். அவர்களுக்கும் வாங்கிக் கொள்ளும்போது ஒரு சந்தோஷம் இருக்கும்..

டப்பாக்கள், அதன் மூடிகள் இரண்டையும் மூடாமல் தனியாக ஒரு பெரிய கவரில் போட்டு வைத்தால் ஜோடி சேர்ப்பது சுலபம்....

இத்தனையும் சொல்வது எதற்கென்றால் படிப்பவர்களுக்கு இதில் ஏதாவது tips கிடைக்கலாம் என்றுதான்...😊

நட்புடன்

விஜி வெங்கடேஷ்

*******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

திருவரங்கம்

28 மே 2026