அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.
இதற்கு முன்னர் வெளியிட்ட குளுகுளு பயணம் போகலாமா - பகுதி பதினாறு பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி. இந்த நாளை நல்லதொரு வாசகத்துடன் தொடங்கலாம் வாருங்கள்.
******
விஜி வெங்கடேஷ் அவர்கள் தங்கியிருக்கும் வளாகத்தில் அவ்வப்போது சத்சங்க நிகழ்வுகள் நடத்த ஆரம்பித்து இருக்கிறார்களாம். அந்த நிகழ்வுகளில் விஜி வெங்கடேஷ் அவர்கள் எழுதிய, பகிர்ந்து கொண்ட விஷயங்கள் இங்கேயும் உங்கள் பார்வைக்கு. பதிவு குறித்த தங்களது எண்ணங்களையும் பகிர்ந்து கொள்ளலாமே! ஓவர் டு விஜி வெங்கடேஷ் - வெங்கட், புது தில்லி.
*******
பிறந்த நாள் வாழ்த்து - 14.04.2025
தமிழ் புது வருடம் இன்று ஆரம்பம்;
Verdant சத்சங்கம் இனிய ஆரம்பம்;
தாரக நாமத்தில் லயிக்க வைத்தது (Smt)லதா;
(Smt)பார்வதி, கௌசல்யாவாக செப்பியது ராம கதா;
(Smt)ஜெயஶ்ரீ மூலம் உளம் புகுந்தது கீதா;
(Smt)கிரிஜாவின் ராமச்சந்திரா செவியில் ரீங்காரம் சதா;
கௌசல்யா கரங்களில் தவழ்ந்தான் ராமன்;
கேட்போர் மனங்களிலும் நிறைந்தான் ராமன்;
ராம கோஷத்தால் அனுமன் சிலிர்த்தான் ;
உடன் கரம்குவித்து முன்னே அமர்ந்தான்;
கண்ணீர் உகுத்து மெய் கரைந்தான்;
நம் பாபம் யாவையும் அதில் கரைத்தான்;
சரணாகதி செய்வாய் - கீதை மொழி;
நாம் கடைத்தேற வேறு என்ன வழி?
மனம் முழுக்க நாம மணம்;
பிரியாது அதை இனி ஒரு கணம்!
தொடரட்டும் நாம வேள்வி எஞ்ஞான்றும்!
பரவட்டும் நல்லதிர்வு(கள்) எவ்விடமும்!
நன்றிகள் பல்லாயிரம் உண்டு🙏🏻🙏🏻
வாழிய அடியார்கள் பல்லாண்டு!
🌹🌹🌹
அடியார்க்கும் அடியேன்,
விஜி வெங்கடேஷ்.
14.04.2025.
*****
Verdant சத்சங்கம் - 24.04.2025
கீதையின் ஸ்லோகம் மெல்லென விரிய;
காதை அது மயிலிறகால் வருட;
பாதை எதுவென பளிச்செனத் தெரிய;
போதையும்(அறியாமை எனும் மயக்கம்) தெளியும் உன்னதம் புரிய;
சிறு சிறு கதைகள் மனதைக் கவர;
சகாதேவன் ஸ்படிக மாலை அணிந்திருக்க;
அது பீஷ்மரின் வாய்மொழியை(விஷ்ணு சஹஸ்ரநாமம்) அதில் பதித்துக் கொள்ள;
குசேலர் ஏழ்மையை ஏற்றது மனதை நெகிழ்க்க;
அபிராமி அந்தாதி பிறந்த கதை கூறக் கூற;
கூறுவோர் வாக்கில் அவள் புகுந்துவிட;
கண்கள் கலங்கி கண்ணீரால் நிரம்ப;
குஞ்சுக் காலில் சதங்கையோடு எங்கள் மடியில் அவள் தவிழ;
செம்பவள வாயில் சிறு விரல் அளைய;
கருநீலக் கண்கள் இங்குமங்கும் அலைய;
முத்தமிட்டு முத்தமிட்டு பட்டுக் கன்னங்கள் சிவப்பேற;
ஐந்து பாட்டோடு அவளைப் பிரிய முடியாமல் தவிக்க;
இரண்டாம் சத்சங்கம் இனிதே நடந்ததே👌🏻👌🏻👌🏻
*****
Verdant சத்சங்கம் - 22.05.2025
ரங்கம்மா மாஜி ரங்கம்மா.....
அபங்கத்தோடு அற்புத ஆரம்பம்;
ஜானா பாய் பக்தியில் விட்டலன் ரங்கம்மாவாக வர;
நாமதேவர் கையில் நதியின் கற்கள் அற்புத மணிகளாக;
விட்டல நாமம் செவி நிறைக்க;
விட்டல விட்டல விட்டல பாண்டுரங்கா....
அபிராமி தளிர் நடை போட்டு மழலையால் மயக்க;
கைபிடித்து மெல்ல 20 பாடல் வரை அழைத்துச் செல்ல;
சூர்தாசரின் கண்ணன் மாயப் புன்னகை சிந்த;
மத யானை துளசி தாசரின் கிருஷ்ணனால் அடங்கி அடி பணிய;
தாசர்களின் நட்பு நம்மை நெகிழ்ச்சியில் ஆழ்த்த;
மகானின் உச்சிஷ்டம் (உண்ட உணவின் மிகுதி) செவிட்டு ஊமையைப் பாட வைக்க;
ராம நாமத்தின் அற்புதம் கண்களைக் குளமாக்க;
Verdant இல் ஐந்து கரத்தான் கோவில் வர அவன்
கரம் உயர்த்த வேண்டுமென சிரம் தாழ்ந்த வேண்டுதலுடன்
இனிதே நிறைவுற்றது. 🙏🏻🙏🏻🙏🏻
*******
இன்றைய பதிவு உங்களும் பிடித்திருக்கும் என நம்புகிறேன். மீண்டும் வேறு ஒரு பதிவு வழி சந்திப்போம்…
நட்புடன்
விஜி வெங்கடேஷ்
*******
இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…
நட்புடன்
வெங்கட் நாகராஜ்
புது தில்லி
6 ஆகஸ்ட் 2025
அருமை. இரண்டாம் கவிதை இரண்டு முறை வந்திருக்கிறதே.....
பதிலளிநீக்குமாற்றி விட்டேன்.
நீக்குஅருமையாக எழுதியிருக்கீங்க, விஜி
பதிலளிநீக்குகீதா
நன்றிகள்.
பதிலளிநீக்குபடிப்படியாக உங்கள் எழுத்துத் திறனை வளர்த்துக் கொண்டீர்கள். அடிக்கடி எழுதும் இடைவெளியில் மட்டுமே எழுதுகிறீர்கள். வழக்கமான எழுத்தாளராக இதை ஒரு பழக்கமாக்கிக் கொள்ளுங்கள்.
நீக்குநன்றி கீதா.உங்கள் வார்த்தைகள் உற்சாகமூட்டுகின்றன.நிச்சயமாக முயற்ச்சி செய்கிறேன்.
நீக்குவிஜி.
பிரமாதம்
பதிலளிநீக்கு