இயற்கை என்னும் இளைய கன்னி - 2

சென்ற வார ஞாயிறன்று Nature Photography Challenge பற்றி சொல்லி, ஒரு வாரம் ஃபேஸ்புக் பக்கத்தில் நான் பகிர்ந்து கொண்ட புகைப்படங்களை இங்கேயும் வெளியிட்டு இருந்தேன்.  முதல் முறை “அமைதிச்சாரல்” சாந்தி மாரியப்பன் அழைத்திருந்தார் என்றால் இரண்டாம் வாரம் அதே சவாலுக்கு என்னை அழைத்தவர் பதிவர் சகோ கீதமஞ்சரி.  இரண்டாம் வாரமாக ஃபேஸ்புக்கில் நான் படங்கள் பகிர்ந்து கொண்டேன். இன்றைக்கு ஃபேஸ்புக்கில் எனைத் தொடராத வலையுலக நண்பர்களுக்காகவும், ஒரு சேமிப்பாகவும் ஒரு தொகுப்பு இங்கேயும்.....

சென்ற வார பதிவினை பார்க்காதவர்கள் வசதிக்காக Nature Photography Challenge என்பது என்ன என்பதை இங்கேயும் மீண்டும் சொல்லி விடுகிறேன்.....

சில மாதங்களாகவே இணையத்தில், குறிப்பாக Instagram, Twitter, Facebook என பல தளங்களிலும் Nature Photography Challenge என்ற ஒரு விஷயம் பரவலாக இருக்கிறது. இயற்கை சம்பந்தப்பட்ட புகைப்படங்களை ஒரு வாரத்திற்கு ஒவ்வொரு நாளும் பகிர வேண்டும்.  ஒவ்வொரு நாளும் வேறு ஒருவரையும் அப்படி இயற்கை சம்பந்தப்பட்ட புகைப்படங்களை பதிவு செய்ய அழைக்க வேண்டும். இது தான் இந்த Nature Photography Challenge.  நமது வலைப்பூக்களில் வரும் தொடர் பதிவு போன்றதொரு விஷயம். 

படம்-1

படம்-1: மத்தியப் பிரதேசத்தின் Bபாந்தவ்கர் காட்டுப் பகுதி.  அதன் உள்ளே ஜீப் மூலம் பயணிக்கும் போது ஒரு குளத்தின் அருகே நிறுத்தினார் வாகனத்தினை ஓட்டியவர்.  வித்தியாசமான குளம் – பெயர் சிகப்புக் குளம் – லால் தலாப்! குளத்தின் நீரே சிகப்பு நிறத்தில் இருக்கிறது! அந்தக் குளம் – இந்தக் குளம்!

படம்-2

படம்-2: ஜம்மு அருகே கட்ரா எனும் இடம். அங்கிருந்து தான் மாதா வைஷ்ணோ தேவி கோவிலுக்குச் செல்ல வேண்டும்.  கட்ராவிலிருந்து சில கிலோ மீட்டர் பயணித்தால் பாபா DHதன்சர் எனும் ஒரு குகைக்கோவில் இருக்கிறது. அங்கே எடுத்த அழகிய காட்சி இது.....

படம்-3

படம்-3: மத்தியப் பிரதேசம் – ஜபல்பூர் அருகே இருக்கும் ஒரு அற்புதமான நீர்வீழ்ச்சி Dhuandhar நீர்வீழ்ச்சி.  அழகிய இந்த நீர்வீழ்ச்சியைப் பார்க்க மட்டுமே முடியும் – இதில் குளிக்க முடியாது என்பது ஒரு சோகம்!

படம்-4

படம்-4: இந்த படம் உத்திரப் பிரதேசத்தின் அலஹாபாத் நகரில் எடுத்த படம்.  கங்கையும் யமுனையும் சங்கமிக்கும் இடம்.  படகுச் சவாரி செய்யும்போது இரண்டு நதிகளும் கலக்குமிடத்தில் எடுத்த படம். நதிகளின் வண்ணங்கள் வேறு வேறாக இருப்பதைப் பார்க்கலாம்.... 

படம்-5

படம்-5:  இந்தப் படம் கேரளத்தின் தலைநகர் திருவனந்தபுரம் அருகே உள்ள பொன்மலை எனும் இடத்தில் எடுக்கப்பட்டது. ஒரு மனிதன் படுத்துக் கொண்டிருப்பது போல இருக்கிறது இந்த மலைத் தொடர்.  மேகங்கள் பல வண்ணங்களில் காட்சி அளிக்கிறது.  இந்த மலையில் தமிழக எல்லையும் உண்டு என்றாலும் மலைக்கு தமிழகத்திலிருந்து செல்ல முடியாது – கேரளத்திலிருந்து மட்டுமே செல்ல முடியும்!

படம்-6

படம்-6: இந்தப் படம் எடுக்கப்பட்ட இடம் கேரளா! திருவனந்தபுரம் அருகே இருக்கும் விழிஞம் கடற்கரையில் மழை பெய்து கொண்டிருந்த ஒரு மாலைப் பொழுதில் எடுத்த படம்.  சூரியன் மேகங்களோடு கண்ணா மூச்சி விளையாடிக் கொண்டிருந்தான்.  அவ்வப்போது எட்டிப் பார்க்கும் சூரியனின் ஒளிக்கதிர்கள் கடலில் பட்டு கடல் தண்ணீர்ல் ஒளிவீசிக் கொண்டிருந்த்து.  நண்பர் குடும்பம் மற்றும் என் குடும்பத்துடன் ரசித்த அந்த நிமிடங்கள் மறக்க முடியாதவை....

படம்-7

படம்-7: இந்த படம் ஒரு ஏரியின் படம்.  ஏரியின் பெயர் sho-nga-tseir ஏரி.  அருணாச்சலப் பிரதேசத்தின் Shak-tsen கிராமத்தின் மேய்ப்பு நிலமாக இருந்த இடம் 1971-ஆம் ஆண்டு ஏற்பட்ட நிலநடுக்கத்தில் ஏரியாக மாறி விட்டதாம்! அமைதியாக இருக்கும் இடத்தினை கண்டு ரசிக்கலாம்!

என்ன நண்பர்களே, இந்த வாரத்தின் புகைப்படங்களை ரசித்தீர்களா? புகைப்படங்கள் பற்றிய உங்கள் கருத்துகளைச் சொல்லுங்களேன்....

நட்புடன்

வெங்கட்.

புது தில்லி.