அழகிய படங்களும் சில வரிகளும் - பகுதி இரண்டு - ஆதி வெங்கட்

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

இதற்கு முன்னர் வெளியிட்ட வாரணாசியில் ஒன்பது நாட்கள் - கால பைரவர் கோவில் பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

******

வாட்ஸப்பில் வரும் அழகிய வண்ணச் சித்திரங்களுக்கு தகுந்தாற்போல சில வரிகளை முயன்றது குறித்து சில நாட்களுக்கு முன்னர் கண்கவர் படங்களும் அதற்கேற்ற சில வரிகளும் என்ற தலைப்பில் எழுதி இருந்தேன்.  அந்த வரிசையில் மேலும் சில படங்களும் அதற்கான எனது வரிகளும் உங்கள் பார்வைக்கு! எப்படி இருக்கிறது எனது முயற்சி என்று சொல்லுங்களேன்!

ராதா! படித்து தெரிந்து கொள்ள வேண்டிய உலக விஷயங்கள் ஏராளம் இருக்க, நீ என்னைப் பற்றி மட்டுமே  சிந்தித்துக் கொண்டிருக்கிறாய்!!

கிருஷ்ணா! என் உலகமே நீயாயிருக்க அதிலேயே என் உயிர் மூச்சை பிணைத்துக் கொண்டு உழன்று கொண்டிருக்கும்  எனக்கு வேறு என்ன தெரிந்து கொள்ள இருக்கிறது!!!

*******

ராதா! என் மனதைத் தான் உன் புன்னகையால்  கட்டியிழுத்து  உன் வசமே  வைத்திருக்கிறாய் என்றால் இந்த விளையாட்டிலாவது சற்றே உன் பிடியை தளர்த்திக் கொள்ளக்கூடாதா??

*******

கண்ணே! கூடை கூடையாய் மாங்கனிகள் இருப்பினும் உன் கன்னக் கதுப்பின் தித்திப்புக்கு ஈடாகுமோ!!?

*******

முருகா! நீ  மொதல்ல கீழே இறங்கு! நான் தான் அம்மா செல்லம்!

அண்ணா! இன்னைக்கு ஒருநாள் நம்ம ஃபேமிலி ஃபோட்டோ எடுக்கற வரைக்குமாவது நான் அம்மாட்ட இருக்கிற மாதிரி போஸ் குடுக்கிறேனே!

*******

உன் அரவணைப்பில் கட்டுண்டு தென்றல் காற்றில் ஊஞ்சலாடும் இந்த சுகத்தை விட இந்த ராதைக்கு என்ன வேண்டும் கிருஷ்ணா! 

இப்படியே நாமிருவரும் இருந்து விட மாட்டோமா என்று தான் இந்த பேதைக்கு தோன்றுகிறது!

*******

இது நமக்கான நேரம்! அரண்மணை வாழ்வை விட இந்த அடர்வான கானகத்தில் உன்னோடு நேரத்தை செலவிடவே நான் விரும்பறேன் சீதா!

நீ என்ன நினைக்கிறாய்??

என் மனதின் பிரதிபலிப்பைத் தான் நான் இப்போது கேட்டுக் கொண்டிருக்கிறேன் சுவாமி!!

சீதா! சீதா!

*******

நான் உன்னிடம் சொல்லத் துடிக்கும்  ஓராயிரம் விஷயங்களும் உன் சின்ன புன்னகையை கண்டதும் நாணத்தால் ஒளிந்து கொள்கின்றன கிருஷ்ணா! என்ன மாயம் செய்கிறாய்!

*******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

ஆதி வெங்கட்