ஜவ்வரிசி - சமையல் போட்டி - விஜி வெங்கடேஷ்

அன்பின் நண்பர்களுக்கு, இனிய காலை வணக்கம். இந்த நன்நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.  

இதற்கு முன்னர் வெளியிட்ட மல்லிகார்ஜுன மஹாதேவ் மந்திர் பதிவை படித்து கருத்துகள் தெரிவித்த அனைத்து வலையுலக நண்பர்களுக்கு மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

*******

பல வீடுகள் கொண்ட அடுக்குமாடி குடியிருப்புகளில் நிறைய நெகட்டிவ் விஷயங்கள் உண்டு என்றாலும் ஒரு சில பாசிட்டிவ் விஷயங்களும் உண்டு. அடுத்தவர்களிடம் எப்படி பழகுகிறோம், என்பதைப் பொறுத்தே அங்கே நட்புகள் உருவாகின்றன.  இன்றைக்கு பல அடுக்கு மாடி குடியிருப்புகளில் அடுத்த வீட்டில் யார் இருக்கிறார்கள் என்று கூட தெரியாத நிலைதான் இருக்கிறது.  யாரும் யாருடனும் பேசுவது கூட இல்லை.  பேசுவதற்கே காசு கேட்பார்கள் போல என்று கூட மனதில் எண்ணம் வரலாம். அவரவர் வேலையில் மூழ்கி இருப்பதே நடக்கிறது. இத்தனைக்கும் முன்பு இருந்தது போலவே நாளொன்றுக்கு இருபத்தி நான்கு மணி நேரம் தான் இப்போதும்! ஆனாலும் யாரைக் கேட்டாலும் நேரம் இல்லை என்றே சொல்கிறார்கள். இதில் எங்கே சக குடியிருப்புவாசிகள் உடன் பேசுவது? இப்படி இருக்கும் குடியிருப்புகளில் இருந்து சற்றே மாறுபட்டு சில குடியிருப்புகள் இருக்கிறது. அவ்வப்போது சந்தித்து பேசுகிறார்கள், நாள் கிழமைகளை கொண்டாடுகிறார்கள், சிறு சிறு போட்டிகள் நடத்துகிறார்கள்.  இது ஒரு சில இடங்களில் மட்டுமே நடக்கிறது. 

அப்படி ஒரு நிகழ்வு குறித்த தனது அனுபவங்களை திருமதி விஜி வெங்கடேஷ் நம்முடன் இன்று பகிர்ந்து கொள்கிறார் - ஓவர் டு விஜி வெங்கடேஷ் - வெங்கட், புது தில்லி.

******

ஜவ்வரிசி 

சமீபத்தில் எங்கள் complex-இல்  food items competition. Base item ஜவ்வரிசி. என்னையும் இன்னொரு பெண்ணையும் ஜட்ஜ் ஆக போட்டார்கள். ஜவ்வரிசியை பற்றி ஒரு கவிதை மாதிரி எழுதி படித்தேன். அந்த கவிதை கீழே!

ஜவ்வரிசி

இதனிடமிருந்து கற்க வேண்டியது இரண்டு;

உருவம் போலவே உள்ளமும் வெள்ளை;

ஒன்று சேர்ந்து  இருப்பதால் ஒற்றுமை;

ஜவ்வரிசிதான் ஆனால் ஜவ்வாக இழுக்காது;

அரிசியைப் போல் தனியாகவும் நில்லாது;

சர்க்கரை, பால் சேர பாயசமாகும்;     

உப்பு, கடலை சேர உப்புமாவாகும்; 

உருளை, மிளகாய் சேர வடையாகும்;

உபவாசத்திற்கு ஏற்ற உணவாகும்;

கஞ்சி வைத்தால் மருந்தாகும்;

காய வைத்தால் வடகமாகும்;

உனைப் பார்க்க பார்க்கப் பரவசம்;

உண்ண உண்ண ருசி நம் வசம்;

வாழ்க உன் சேவை!

வளர்க உன் புகழ்!

ஜெய் ஜவ்வரிசி!

*****

என்னை ஜட்ஜ் ஆகக் கூப்பிட்டதற்கு அவர்களுக்கு ஒரு தண்டனையை judgement ஆகக் குடுத்தேன்😜 இங்கேயும் பகிர்ந்து இருக்கிறேன் - அது உங்களுக்கு தண்டனையா இல்லையா என்பதை நீங்கள் தான் சொல்ல வேண்டும்!

மீண்டும் வேறு ஒரு பகிர்வுடன் சந்திக்கும் வரை… 

நட்புடன்

விஜி வெங்கடேஷ்

*******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லி

30 ஜூலை 2024