நிழற்பட உலா - சரஸ் ஆஜீவிகா மேளா 2024 - பகுதி ஒன்று

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

இதற்கு முன்னர் வெளியிட்ட காஃபி வித் கிட்டு பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

******

தலைநகர் தில்லி மற்றும் National Capital Territory of Delhi என்று அழைக்கப்படும் அதன் தொட்டடுத்த நோய்டா, காசியாபாத், ஃபரிதாபாத், குருகிராம் போன்ற பகுதிகளில் குளிர் நாட்களில் நிறைய விழாக்கள், கண்காட்சிகள் போன்றவை நடப்பது வழக்கம். வெளியில் சுற்றி வருவது இந்த நாட்களில் அலுப்பு தராத விஷயம் என்பதால் அப்படியான நாட்களில் நானும் நண்பர்களும் வார இறுதிகளில் தேடித்தேடி இப்படியான நிகழ்வுகளுக்குச் செல்வது வழக்கம். முன்பு பத்மநாபன் அண்ணாச்சியும் நானும் சென்று வந்தோம் என்றால் தற்போது அலுவலகத்தில் உடன் பணிபுரியும் இரு நபர்கள் என்னுடன் சேர்ந்து சுற்றுகிறார்கள்.  அப்படி சென்று வந்த ஒரு நிகழ்வு SARAS AAJEEVIKA MELA என்ற நிகழ்வு.  

இந்தியாவின் பல்வேறு மாநிலங்களில் இருந்து வந்திருந்த கலைஞர்கள், உழைப்பாளிகள் என பலரும் அவரவர் கை வண்ணங்களில் உருவான ஓவியங்கள், பொருட்கள் என பலவற்றை விற்பனைக்கும் காட்சிக்கும் வைத்திருந்தார்கள். அந்த மேளாவில் எடுத்த நிழற்படங்கள் இன்று முதல் வரும் சில ஞாயிறுகளில் வெளிவர இருக்கிறது.  முதல் பகுதியாக சில படங்கள் உங்கள் பார்வைக்கு… 

******

இந்த வாரத்தின் நிழற்பட உலா பதிவு குறித்த தங்களது எண்ணங்களை பின்னூட்டம் வாயிலாக சொல்லுங்களேன்.  மீண்டும் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லி

14 ஜூலை 2024