Indeco Hotels - தங்குமிடம் - சில குறிப்புகள் - வெங்கட் நாகராஜ்

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

இதற்கு முன்னர் வெளியிட்ட பழமையும் புதுமையும் பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

*******

நேற்று வெளியிட்ட பதிவில் Indeco Hotels எனும் தங்குமிடம் குறித்த சில விஷயங்களையும் படங்களையும் பகிர்ந்து கொண்டிருந்தேன்.  தங்குமிடத்தின் கட்டணம் என்ன, அங்கே தங்காமல் சென்று பார்த்து வர முடியுமா என்றெல்லாம் ஸ்ரீராம் கேட்டிருந்தார்.  அதற்கு பதிலாக சில தகவல்கள் இன்றைய பதிவில் தருகிறேன். கூடவே இன்னும் இந்த இடத்தில் எடுத்த சில படங்கள் உங்கள் பார்வைக்கு - ஒரு நிழற்பட உலாவின் இரண்டாம் பகுதியாக…  

ஒவ்வொரு தங்குமறையும் ஒவ்வொரு விதத்தில் சிறப்புற அமைக்கப்பட்டிருக்கின்றன.  மூன்று கிராமங்களை இணைத்து அந்தப் பகுதியில் இருக்கும் நபர்களுக்கு வேலையும் அளித்து இந்தத் தங்குமிடத்தினை அமைத்திருக்கிறார் இந்தத் தங்குமிடத்தின் உரிமையாளர் ஸ்டீவ் Bபோர்(g)கி. கலைநயம் மிக்க படைப்புகளையும் அவர் உருவாக்குகிறார்.  அவரது கலைநயம் அவர் அங்கே பாதுகாத்து வைத்திருக்கும் பொருட்களிலும் நமக்குப் புலப்படுகிறது.  தங்குமிடம் தவிர இங்கே ஒரு உணவகமும் இருக்கிறது.  தங்குவதற்கு உங்களுக்கு முடியவில்லையெனில் உணவகத்திற்குச் சென்று உணவு உண்பதோடு, இங்கே ஒரு உலாவும் வரலாம்.  மான்கள், மயில்கள் என கிராமியச் சூழலில் மிகவும் அழகாக அமைந்திருக்கிறது இந்த இடம்.  கீழே கொடுத்திருக்கும் இணைய முகவரியில் இவர்களது தங்குமிடம் குறித்த நிறைய தகவல்கள் உண்டு.  தங்குமிடத்திற்கான கட்டணங்கள் சற்றே அதிகம் என்று தோன்றினாலும், அதன் பராமரிப்பிற்காக கட்டணம் இத்தனை இருக்கத்தான் வேண்டும் என்பதுடன், நிச்சயம் ஒரு நாள் தங்கி வரலாம் என்பது எனது எண்ணம்.  

Swamimalai – INDeco Hotels

நேற்றைய நிழற்படங்களின் தொடர்ச்சியாக மேலும் சில படங்கள் உங்கள் பார்வைக்கு…

*******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

திருவரங்கம்

10 ஜனவரி 2026