ஆதி மஹோத்சவ் 2024 - நிழற்பட உலா - பகுதி இரண்டு

அன்பின் நண்பர்களுக்கு, இனிய காலை வணக்கம். இந்த நாளில் மீண்டும் ஒரு பதிவுடன் உங்கள் அனைவரையும் சந்திப்பதில் மகிழ்ச்சி.   

இதற்கு முன்னர் வெளியிட்ட காஃபி வித் கிட்டு பதிவினை படித்து கருத்துகள் தெரிவித்த அனைத்து வலையுலக நண்பர்களுக்கும் மனம் நிறைந்த நன்றி.  இந்த நாளை நல்லதொரு வாசகத்துடன் தொடங்கலாம் வாருங்கள். 

******

சென்ற ஞாயிறில், தலைநகர் தில்லியில் இந்த வருடம் நடந்த ஆதி மஹோத்சவ் சென்ற போது எடுத்த சில படங்களை ஒரு பதிவாக வெளியிட்டு இருந்தேன்.  இந்த ஞாயிறில் அதே மஹோத்சவத்தில் எடுத்த இன்னும் சில படங்கள் உங்கள் பார்வைக்கு.  ஒவ்வொரு படத்திற்குக் கீழும் படம் குறித்த சில தகவல்களை இணைத்திருக்கிறேன். தவிர இந்த நிகழ்வில் எடுத்த சில காணொளிகளும் உண்டு. முடிந்தால் அவற்றையும் விரைவில் உங்களுடன் பகிர்ந்து கொள்கிறேன். வாருங்கள் படங்களையும், தகவல்களையும் பார்த்து ரசிக்கலாம்.

படம்-1: Gகோண்ட் வகை ஓவியம் ஒன்று - பசு, சிவபெருமான், ஒரு பானை தெரிகிறது. வேறு ஒரு உருவமும் இருக்கிறது - அது என்ன என்று புரியவில்லை.

படம்-2: இதுவும் Gகோண்ட் வகை ஓவியம் தான் - மீன்கள், காதுகள் இருக்கும் இடத்தில் இரண்டு பறவைகள், தலை அலங்காரம், சிந்தனையில் குழப்பங்களோ என்று சொல்லும் விதமாக பல கிளைகளுடனான மரம்…  இப்படி எனக்குத் தோன்றியது - வரைந்த ஓவியர் என்ன நினைத்து வரைந்தாரோ?

படம்-3 மற்றும் 4: லாக் என அழைக்கப்படும் மெழுகு கொண்டு பொதுவாக வளையல்கள் செய்வதுண்டு.  ஜெய்பூரைச் சேர்ந்த த்ரௌபதி எனும் கலைஞர் (மின்னஞ்சல் முகவரி - dropadibaswa@gmail.com) இவற்றைக் கொண்டு அழகோவியங்களை படைக்கிறார்.  நிறைய பொறுமையும் திறமையும் தேவை எனத் தெரிகிறது.

படம்-5 மற்றும் 6: Dhokra Art வகையைச் சார்ந்தவை இந்த இரண்டும்.  உலோகங்கள் கொண்டு தயாரிக்கப்படும் இந்த பொம்மைகள், மேற்கு வங்காளம், ஒடிஷா, மத்தியப் பிரதேசம் மற்றும் சத்தீஸ்கட் பகுதிகளில் பிரபலம்.

படம்-7: நெல்மணிகள், நூல்கள் கொண்டு விதம் விதமான விலங்குகளின் பொம்மைகள், கழுத்தணி, காதணிகள் இறைவனின் மூர்த்திகள் எனச் செய்கிறார்கள்.  ஒடிஷாவின் கோராபுட் பகுதியைச் சேர்ந்த Bhatoda என அழைக்கப்படும் ஆதிவாசிகள் இக்கலையில் திறமைசாலிகளாக இருக்கிறார்கள்.

படம்-8, 9 மற்றும் 10: விதம் விதமான அலங்காரப் பொருட்கள், Wind Chimes, Wall Hangings போன்றவை இவை.  இவை செய்யப் பயன்படுத்துவது எது தெரியுமா? பதப்படுத்தப்பட்ட சுரைக்காய்! ஆச்சரியமாக இருக்கிறதல்லவா? படம் 9 ஒரு முழு சுரைக்காய் - உள்ளே உருக்கும் சதைப்பற்றை எடுத்துவிடுகிறார்கள்.

படம்-11: மூங்கில் கொண்டு செய்யப்பட்ட ஒரு பிள்ளையார்.

படம்-12: இதுவும் Dhokra Art தான்.  இது போன்ற பல வடிவங்களில் தயாரிக்கப்படும் பெட்டி இது - பெண்களுக்குத் திருமணம் செய்து வீட்டிலிருந்து அனுப்பும்போது இது போன்ற பெட்டிகளில் நகைகளைக் கொடுத்து அனுப்புவார்களாம்.

படம்-13: Dhokra Art தான்.  மூடியில்லாமல் இருக்கும் இதை சின்னச் சின்னப் பொருட்கள் போட்டு வைக்க பயன்படுத்துவார்களாம். Pen Stand - ஆக பயன்படுத்தலாம்!

படம்-14: இந்த ஓவியத்திற்கான திறமைகள் சீனாவிலிருந்து வந்தன என்று சொன்னார் இதை வரைந்த பெண்மணி. மெழுகு கொண்டு ஒரு துணி முழுவதும் தேய்த்து, அதன் பிறகு வண்ணங்கள் சேர்த்து வரையப்படும் ஓவியம் - அதிக அளவில் வேலைகள் உண்டாம். எத்தனை வித ஓவியங்கள் நம் திருநாட்டில்…

படம்-15: மூங்கிலில் Lamp Shade…

படம்-16: தமிழகத்தின் ஊட்டி பகுதியைச் சேர்ந்த ஆதிவாசிகளான குறும்பர்கள் வரையும் ஓவியம்.இந்த ஓவியம் வரைவதற்கு வேங்கை மரத்தின் பசை பயன்படுத்துகிறார்களாம். முற்காலத்தில் பாறை ஓவியங்களாக இருந்தவை தற்போது காகிதங்களில்.

படம்-17: குறும்பர்களின் வீடு - ஒரு மாடல் - எத்தனை அழகாக செய்திருக்கிறார்கள்…

படம்-18 மற்றும் 19: Lamp Shade…

படம்-20: புற்கள் கொண்டு செய்யப்பட்ட பிள்ளையார்.  மேல் மூடியைத் திறந்து பொருட்களை வைத்துக் கொள்ளலாம் என்பதும் கூடுதல் தகவல்.

******

இன்றைய பதிவு குறித்த தங்களது எண்ணங்களை பின்னூட்டத்தில் சொல்லுங்கள். விரைவில் வேறொரு பதிவுடன் உங்கள் அனைவரையும் சந்திக்கும் வரை…

நட்புடன்

வெங்கட் நாகராஜ்

புது தில்லியிலிருந்து…